| 1.1 |
Die WWT-strategie in die Wes-Kaap Onderwysdepartement (WKOD) is toegespits op die toename van deelname en prestasie van leerders in Wiskunde en Fisiese Wetenskappe. |
| 1.2 |
Die doel is om ondersteuning te bied aan leerders ten einde hulle in staat te stel om slaagsyfers van 50% en hoër in albei vakke te behaal. |
| 2.1 |
Een van die intervensies om die bogemelde doelwitte te bereik is om addisionele onderrig te bied aan geselekteerde graad 12-leerders wat tussen 39% en 49% in die Junie 2009-eksamen behaal het. |
| 2.2 |
Die WKOD sal ervare Wiskunde- en Wetenskaponderwysers en kundiges aanstel om groepe van 15 - 20 leerders in Wiskunde en Fisiese Wetenskappe te onderrig. |
| 2.3 |
Hierdie inisiatief sal gedurende Augustus 'n aanvang neem en sal 10 x 2-uur onderrigsessies in elke vak voorsien op Saterdagoggende of namiddae na skool. |
| 3. |
Aanstelling van studieleiers |
| 3.1 |
Ervare graad 12-onderwysers van Wiskunde en/of Fisiese Wetenskap word hiermee uitgenooi om aansoek te doen om aanstelling as studieleiers vir hierdie program |
| 3.2 |
Suksesvolle aansoekers sal vergoed word teen 'n tarief van R300,00 per uur. |
| 3.3 |
Aangeheg is 'n aansoekvorm (Bylae A) wat vir hierdie doel gebruik moet word. Aansoeke moet gestuur word vir aandag me Sasman, faksnr. 021 467 2620 of e-posadres msasman@pgwc.gov.za om die WKOD teen Vrydag 7 Augustus 2009 bereik. |
| 4. |
Bring asseblief hierdie minuut onder die aandag van alle Wiskunde- en Fisiese Wetenskaponderwysers by u skool. |
GETEKEN: SM NAICKER
HOOF: ONDERWYS
DATUM: 2009:08:04
|