Met verwysing na DCF-minuut 0025/2009, word verdere inligting hiermee verskaf oor die vereistes vir inskrywing, die skedule en beoordelingsreëlings vir die bogenoemde kompetisie. (Die WKOD Kurrikulumwebtuiste, waarin hierdie inligting verskaf sou gewees het, is nie tans funksioneel nie.)
1. Wie mag inskryf?
Graad 11-leerders wat:

  • tans Rekeningkunde, Ekonomie en Wiskunde neem en wat uitmunt (prestasie teen 'n minimum vlak van 5 [60%] in ten minste twee van hierdie drie vakke);
  • van plan is om verder te studeer in Handel of Wiskunde by 'n Suid-Afrikaanse tersiêre inrigting;
  • Suid-Afrikaanse burgers is.
2. Belangrike inligting aangaande die vereistes vir inskrywing:
2.1 Alle opstelle moet in Engels voorgelê word en moet getik wees;
2.2 Die opstelonderwerp moet op die eerste bladsy van die opstel verskyn;
2.3 Die aantal woorde van die opstel moet ook op die eerste bladsy verskyn;
2.4 Al die bladsye moet genommer wees;
2.5 Die leerder se naam en dié van die skool moet nie op die bladsye van jou opstel verskyn nie. Hierdie besonderhede moet net op die inskrywingsvorm verskyn;
2.6 Die opstel, die bibliografie uitgesluit, moet tussen 2 200 en 2 500 woorde beslaan;
2.7 Die mondelinge aanbieding maak deel uit van die totale punt en moet in Engels plaasvind by die skool en tydens die finale beoordeling.
2.8 Die volgende dokumente moet ingesluit word:
2.8.1 Voltooide inskrywingsvorm;
2.8.2 Nagesiende opstel en voltooide rubriek (sien aanhegsel);
2.8.3 'n Gewaarmerkte kopie van die SA identiteitsdokument of geboortesertifikaat;
2.8.4 'n Gewaarmerkte kopie van die graad 10 uitslae en die junie-uitslae vir graad 11;
2.8.5 Verklaring van oorspronklikheid (sien aanhegsel);
2.8.6 Bewys van gekombineerde inkomste van ouers.
3. SKEDULE
3.1 Finale datum waarop opstelle by die skoolkonvenor ingelewer moet word: 8 Oktober 2009.
3.2 Beoordeling by skole: 9 tot 28 Oktober 2009. Dan vul die konvenor die name van die drie leerders wat die beste punte vir die opstel en die mondelinge aanbieding behaal het in op die inskrywingsvorm. (Lg. sal later na skole gestuur word.)
3.3 Voorlegging by plaaslike distrikskantoor teen 29 Oktober 2009.
Merk die koevert: For attention Economics Curriculum Adviser - Nedbank / Treasury / WCED Essay Competition.
3.4 Tweedevlakbeoordeling op distriksvlak moet voltooi word deur 'n aangestelde paneel gedurende Oktober-November 2009. Die tien beste inskrywings per onderwysdistrik moet voorgelê word aan die DHOK: Ekonomie by die WKOD Hoofkantoor teen 22 November 2009.
3.5 Die 15 finaliste sal deur 'n paneel uitgesoek word: Januarie 2010.
3.6 Onderhoud met finaliste en aankondiging van wenners: Einde Januarie 2010.
4. Beoordelingsinligting 4.1 4.1.1 4.1.2 4.1.3
4.1 Primêre kriteria
4.1.1 Die fokus van die kompetisie is op akademiese voortreflikheid en die potensiaal van die leerders.
4.1.2 Opstelle sal primêr op verdienste beoordeel word.
4.1.3 Opstelle van dieselfde gehalte sal verder geëvalueer word volgens die volgende kriteria:

  • Akademiese resultate (Graad 10 en graad 11 - Junie-uitslae);
  • Leerders se finansiële behoeftes, gebaseer op ouers of voogde se huishoudelike inkomste;
  • Gestremdhede (gelyke geleenthede sal in ag geneem word);
  • Leerders se betrokkenheid by die gemeenskap en hulle verbintenis om die land se sosio-ekonomiese kwessies aan te spreek.
4.2 Addisionele kriteria
Die finale paneel beoordelaars sal onderhoude voer met die finaliste om die wenners te bepaal. Die paneel sal elke leerder evalueer t.o.v. die volgende kriteria:
4.2.1 Intellektuele briljantheid;
4.2.2 Vermoë om rasionele argumente te formuleer en uit te druk;
4.2.3 Begrip en kennis van sosio-ekonomiese kwessies.
5. Algemene inligting
5.1 15 leerders sal as finaliste gekeur word.
5.2 Alle finaliste sal gaste wees van die Wes-Kaapse Provinsiale Regering en Nedbank, en daar sal van hulle verwag word om deel te neem aan al die funksies wat gereël word. Dit sal insluit 'n besoek aan die Provinsiale Parlement en teenwoordeigheid by die Begrotingsbanket waar die Minister van Finansies die programrede sal lewer.
5.3 Alle vervoer- en akkommodasiekoste sal betaal word vir die leerderfinaliste en skoolkonvenors.
5.4 Daar sal van die skoolkonvenors verwag word om hulle onderskeie skoolleerders te vergesel en as mentors vir hulle op te tree.
6. Stawende dokumente
Verwys na die aanhangsels vir die volgende dokumente wat slegs in Engels verskaf sal word:
6.1 Amptelike inskrywingsvorm (leerder);
6.2 Die rubriek wat gebruik gaan word om die opstel na te sien;
6.3 Die Nedbank Opstelskryfhandleiding (PDF-formaat);
6.4 Verklaring van egtheid van die opstel.
7. Navrae oor die skryf van die opstel en die nasien daarvan moet gerig word aan die Ekonomie-kurrikulumadviseurs in die onderwysdistrikte.
8. Vir tegniese en elektroniese ondersteuning ten opsigte van die druk en kopieer van dokumente en vorms vir leerders skakel u distriksadministrasie se ondersteuningspersoneel.
9. Prinsipale word versoek om hierdie kurrikulumminuut onder die aandag van alle graad 11 Ekonomie-, Wiskunde- en Rekeningkundeonderwysers te bring.


GETEKEN: SM NAICKER
WND. HOOF: ONDERWYS
DATUM: 2009:08:26

"The Western Cape Essay Competion - Entry Form"  (grootte: 149 KB)
"Nedbank / Provincial Treasury / WCED Economics Essay Competition 2009 - Learner Essay and Oral Presentation (Rubrics)"  (grootte: 44 KB)
"Assistance Programme to Students - Essay Writing Manual"  (grootte: 95 KB)
"Nedbank / Treasury / WCED Grade 11 Essay Competition 2009 - Authenticity Declaration:"  (grootte: 8 KB)