1. Nasionale Wetenskapweek, 'n inisiatief van die Departement van Wetenskap en Tegnologie, sal plaasvind vanaf 1 tot 8 Augustus 2009. Die tema vir 2009 is "Môre se wetenskap en tegnologie is in die hande van ons jeug".
2. Die doelwitte van Nasionale Wetenskapweek is om:
  • bewustheid aangaande die rol van wetenskap in die gemeenskap te skep;
  • leerderprestasie te verbeter en bestudering van wetenskap en wiskunde aan te moedig; en
  • meer leerders geïnteresseerd te kry in wetenskap, ingenieurswese en tegnologie.
3. Daar is, behalwe aan die Wes-Kaap Onderwysdepartement (WKOD), ook toelae toegeken aan die volgende diensverskaffers waarmee aktiwiteite vir leerders, onderwysers en die algemene publiek tydens die nasionale Wetenskapweek aangebied moet word: MTN Science Centre (Me J Cleverdon, 021 529 8100);
  • Hermanus Magnetiese Observatorium (Mev E Fraser, 028 312 2039);
  • Ithemba Labs (Me G Stone, 021 843 1000);
  • Die Suid-Afrikaanse Astronomiese Observatorium (Mnr K Govender, 021 460 9350).
4. Vir die WKOD se program van aktiwiteite vir nasionale Wetenskapweek 2009, 1 tot 8 Augustus 2009, sien Bylae A. Bylae A kan ook gekry word by die volgende webtuiste: http://curriculum.pgwc.gov.za/site/52/page/view/ Vir verdere inligting, kontak asseblief die persone gelys onder die "Navrae"-kolom in Bylae A. Die administrasiebeampte by Hoofkantoor is Vuyokazi Fudumele. Haar kontakbesonderhede verskyn ook in Bylae A.
5. Die volgende webtuistes verskaf meer inligting: www.dst.gov.za en www.saasta.ac.za
6. Prinsipale word dringend versoek om alle onderwysers en leerders van Wiskunde, Natuurwetenskap, Fisiese Wetenskappe en Lewenswetenskappe by hulle skole in te lig aangaande Nasionale Wetenskapweek 2009 en hulle aan te moedig om aan die onderskeie aktiwiteite deel te neem.


GETEKEN: SM NAICKER
HOOF: ONDERWYS
DATUM: 2009:08:03

Bylae A: WKOD SE Program van gebeure vir Nasionale Wetenskapweek 2009  (grootte: 12 KB)