1. Omdat alle Lewensoriëntering-onderwysers beroepsleiding met selfvertroue en bevoegdheid vir leerders moet kan aanbied, is die Wes-Kaap Onderwysdepartement (WKOD) besig om opleiding vir Lewensoriëntering-onderwysers te reël.
2. 'n Opleidingskursus in PACE se program, Adviseer en Verwys, sal aangebied word vir onderwysers van Lewensoriëntering in graad 10 tot 12 wat nie vantevore opleiding in hierdie program gehad het nie. Hierdie drie-dagkursus sal op 29 en 30 September en op 1 Oktober 2009 plaasvind.
3. Hierdie kursus sal opgevolg word deur 'n eendaagse kursus oor Skool-tot-Werk op 2 Oktober 2009.
4. Een VOO-onderwyser per skool word uitgenooi om twee kursusse oor vier dae by te woon.
5. Die VOO-kursus sal by die Sarepta Senior Sekondêre Skool te Kuilsrivier en by Esselenpark Senior Sekondêr te Buitenkantstraat in Esselenpark in Worcester aangebied word.
6. Alle kursusse sal stiptelik om 08:30 in die oggend begin en om 16:00 in die middag eindig.
7. Onderwysers van landelike distrikte sal vir reiskoste vergoed word. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:

  • PERSAL-nommer;
  • Enjinkapasiteit van die voertuig en die jaar van die fabrikaat;
  • Afstand in kilometer van die skool na die opleidingsentrum.
8. Onderwysers van landelike distrikte wat akkommodasie benodig, moet hulle eie reëlings tref. Hierdie opvoeders moet hulle eise op die laaste dag van die kursus indien voor hulle vertrek. 9.
9. 'n Aparte registrasievorm moet voltooi word vir elke individuele onderwyser. Prinsipale word versoek om die ingevulde registrasievorm, aangeheg as Bylae A, teen nie later nie as 14 September 2009 in te dien by mev DJ Christiaans, by faksnommer 021 467 2258
10. Prinsipale word herinner dat bywoning by hierdie kursusse in ag geneem kan word wanneer onderwysers se GGBS-assessering gedoen word.
11. Prinsipale word versoek om die inhoud van hierdie minuut onder die aandag van alle betrokke Lewensoriëntering-onderwysers te bring.
12. Skakel asseblief mev D Christiaans by 021 467 2589 of e-pos dchristi@pgwc.gov.za vir meer inligting.


GETEKEN: SM NAICKER
INTLOKO EBAMBELEYO: YESEBE LEMFUNDO
DATUM: 2009:06:19

Bylae A - PACE: Wêreld van werk  (grootte: 8 KB)