| 1. |
Die Onafhanklike Verkiesingskommissie (OVK), in samewerking met die nasionale Departement van Onderwys (DvO), het 'n nasionale veldtog onderneem om leerders op te lei om hulle reg en hulle verantwoordelikheid om as burgers van 'n demokratiese land te registreer en te stem, op te neem deur deel te neem aan die verkiesings.
|
| 2. |
Die OVK sal gedurende die eerste kwartaal van 2009 oor naweke en na skool opleidingsessies aanbied vir Kurrikulumadviseurs (Lewensoriëntering) en Lewensoriëntering-onderwysers.
|
| 3. |
Die OVK-veldwerkers sal plakkate en pamflette met inligting rakende die Kiesersopleidingsveldtog vir Verkiesings 2009 aflewer.
|
| 4. |
Alle onderwysers word versoek om leerders aan te moedig om hulle Identiteitsdokumente (ID's) so gou as moontlik te kry en om te registreer gedurende die laaste naweek van registrasie, wat 7 en 8 Februarie 2009 is. Om te kan registreer, moet die leerder 'n Suid-Afrikaanse burger wees; 16 jaar of ouer wees (maar kan slegs stem indien 18 jaar en ouer); in besit wees van 'n Suid-Afrikaanse groen stafieskode-ID of Tydelike Identiteitsertifikaat; en 'n fisiese adres waar hy of sy gewoonlik woonagtig is, kan voorsien.
|
| 5. |
Skakel asseblief vir mev D Christiaans, Senior Kurrikulumbeplanner (VOO-Lewensoriëntering) by 021 467 2589 vir meer inligting oor hierdie veldtog.
|
| 6. |
Prinsipale word versoek om die inhoud van hierdie minuut onder die aandag van alle Lewensoriëntering-onderwysers te bring.
|
GETEKEN: SM NAICKER
HOOF: ONDERWYS
DATUM: 2009:02:02
|