1. Skole is voorsien van die jongste katalogus van nasionaal goedgekeurde handboeke vir graad 11 in 2009 onder dekking van Kurrikulum VOO-minuut DCF 0016/2009.
2. Al die graad 11-handboeke in die bogenoemde katalogus is hersien en in ooreenstemming gebring met die jongste Vakassesseringsriglyne (VAR'e) en Leerprogramriglyne (LPR'e).
3. Met betrekking tot handboeke vir graad 11-leerders word skole opdrag gegee om handboeke vir slegs die volgende twee (2) vakke, naamlik Lewensoriëntering en Wiskunde of Wiskundige Geletterdheid, uit hulle Norme en Standaarde se handboektoewysing aan te koop. Hierdie handboeke moet bestel word op die 034-vorm wat alreeds aan skole voorsien is.
4. Die LOOM Spesiale Projek onderneem tans om 'n handboek elk ten opsigte van die oorblywende vyf (5) vakke per graad 11-leerder te voorsien. Dit beteken dat elke graad 11-leerder altesaam 7 handboeke sal ontvang.
4.1 Elke prinsipaal sal in kennis gestel word van sy of haar skool se begrotingstoewysing ingevolge die LOOM Spesiale Projek, en hoe om die handboeke aan te vra in 'n brief met die onderwerpreël: TOEKENNING TER AANVULLING VAN DIE AANKOOP VAN HANDBOEKE VIR GRAAD 11. Hierdie brief sal elektronies en per pos uitgestuur word.
4.2 Die aangehegte rekwisisievorm moet voltooi word, deur die prinsipaal en die voorsitter van die Boekesubkomitee onderteken word en dan gestempel word met die skool se amptelike stempel. Die voltooide rekwisisievorm moet teen 26 Junie 2009 per hand of per pos ingedien word by die volgende adres:

Vir aandag: Mev J Maliqua
Graad 11 Spesiale Projek
Kaapse Onderrig-en-leierskapsinstituut (KOLI)
Nooiensfonteinweg
Kuilsrivier
7579
Tel 021 9005028


Privaatsak X14
Kuilsrivier
7579
5. Prinsipale word versoek om seker te maak dat die inligting in hierdie minuut onder die aandag van die betrokke vakhoofde gebring word.


GETEKEN: SM NAICKER
HOOF: ONDERWYS
DATUM: 2009:05:21


Rekwisisie vir Graad 11-handboekprojek  (grootte: 12 KB)