1. Die Wêreldburgerskapprojek (WBP) rus leerders toe met vaardighede wat nodig is om in die 21ste eeu in 'n wêreldgemeenskap te kan leef.
2. Die projekopleiding rus onderwysers toe met vaardighede in persoonlike ontwikkeling en IKT om te verseker dat hulle in staat is om leerders effektief te lei met die program.
3. Aangesien alle onderwysers van Lewensoriëntering opgelei behoort te word om IKT-vaardighede met selfvertroue en bevoegdheid in Lewensoriënteringlesse te gebruik, sal 'n opleidingskursus in die WBP vir onderwysers van graad 10 - 12 Lewensoriëntering aangebied word.
4. Een VOO-onderwyser per skool word genooi om die opleidingsessie by te woon, wat sal plaasvind op Saterdag, 25 Julie 2009, vanaf 8:30 - 16:00 by die volgende plekke:

PLEK DISTRIKTE WAT DIT BYWOON
C-EI, Nooiensfonteinweg, Kuilsrivier Metro-Oos, -Noord, -Suid & -Sentraal
Schoonspruit SS, Malmesbury Weskus
Bridgton SS, Oudtshoorn Eden & Sentrale Karoo
Esselenpark SS, Worcester Kaapse Wynland & Overberg

5. Onderwysers wat verder as 20 kilometers van die opleidingslokaal woonagtig is, sal vergoed word vir reiskoste. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:
  • PERSAL-nommer
  • Enjinkapasiteit van die voertuig en die jaar van die fabrikaat
  • Afstand in kilometer van die skool na die opleidingsentrum
6. Onderwysers van landelike distrikte wat akkommodasie benodig, moet hulle eie reëlings tref. Hierdie opvoeders moet hulle eise op die laaste dag van die kursus indien voor hulle die kursus verlaat.
7. Prinsipale word versoek om die ingevulde registrasievorm, Bylae A, teen nie later nie as 22 Junie 2009 te faks na die Senior Kurrikulumbeplanner vir Lewensoriëntering, me DJ Christiaans, by faksnommer 021 467 2258.
8. Prinsipale word daaraan herinner dat bywoning van hierdie kursusse in ag geneem kan word wanneer onderwysers se GGBS-assessering gedoen word.
9. Prinsipale word versoek om die inhoud van hierdie minuut onder die aandag van alle betrokke Lewensoriënteringonderwysers te bring.
10. Skakel asseblief met mev D Christiaans, Senior Kurrikulumbeplanner vir Lewensoriëntering (VOO) by tel. no. 021 467 2589 of e-pos: dchristi@pgwc.gov.za vir meer inligting.


GETEKEN: SM NAICKER
HOOF: ONDERWYS
DATUM: 2009:05:27