1.1 |
Die Departement van Wetenskap en Tegnologie (DWT) het 'n werksooreenkoms op 'n nasionale vlak met die Departement van Onderwys (DvO) om ondersteuning te bied aan Wiskunde- en Wetenskapleerders in die bevordering van die visie vir die Dinaledi-skole. |
1.2 |
'n Gedeelte van hierdie ooreenkoms behels addisionele onderrig in Wiskunde, Wetenskap en Rekeningkunde. In hierdie verband word die DWT/Thuthuka Wiskunde- en Wetenskapkampe sedert 2002 in die verskillende provinsies gehou. |
2. |
WERWING VAN LEERDERS VIR DIE THUTHUKA-KAMPE |
2.1 |
Kandidate vir hierdie kamp moet gewerf word hoofsaaklik van die Dinaledi-skole en Fokusskole, soos die Bedryfs-, Handels- en Bestuurs- (BHB-) en Ingenieurswesefokusskole. |
2.2 |
Die Wes-Kaap Onderwysdepartement stel egter voor dat hierdie geleentheid uitgebrei moet word ook na ander skole. |
2.3 |
'n Totaal van 200 Swart leerders (Afrika-, Bruin- en Indiërleerders) in graad 11 en 12 sal gekeur word met inagneming van die volgende kriteria: |
2.3.1 |
'n Geslagsindeling van 55% vroulike en 45% manlike leerders |
2.3.2 |
70% Wiskunde en Wetenskap en 30% Wiskunde en Rekeningkunde |
2.3.3 |
Leerders wat ten minste 40% in Wiskunde behaal het |
2.4 |
Die aansoekvorm is aangeheg as Bylae A. |
3.1 |
Die kamp sal van 28 Junie 2009 tot 5 Julie 2009 gehou word by die Kaapse Akademie vir Wiskunde, Wetenskap en Tegnologie.
|
3.2 |
Benewens groepklasse in Wiskunde, Wetenskap en Rekeningkunde, sal uitstappies gereël word na, onder andere, die MTN Wetenskapsentrum, EVKOM Kernkragstasie en die Suid-Afrikaanse Astronomiese Observatorium.
|
GETEKEN: SM NAICKER
HOOF: ONDERWYS
DATUM: 2009:05:08
|