1. Die Wes-Kaap Onderwysdepartement (WKOD) ondersteun die integrasie van inligtings- en kommunikasietegnologie (IKT) met vakke in die Nasionale Kurrikulumverklaring (NKV).
2. Alle openbare sekondêre skole is in hierdie proses ondersteun deur die voorsiening van Khanya-rekenaarlaboratoriums.
3. Die IKT-eenheid binne Kurrikulumontwikkeling het saamgespan met adjunk onderwyskundiges om vak- en leerarea-webportale te skep.
4. Elke vak het 'n webblad wat deur die kurrikulumwebtuiste http://curriculum.pgwc.gov.za bereik kan word. Die webblad bevat kontakbesonderhede van adjunk onderwyskundiges, vakbeleide en -riglyne, asook nuttige verbindings met ander webtuistes wat onderwysers in hulle beplanning sal help.
5. Daar moet ook gemeld word dat een van die doelwitte van die nuutgestigte e-Leer-direktoraat 'n provinsiale leerbestuurstelsel vir onderwysers is.
6. Khanya laboratoriums is van vakverwante sagteware voorsien. Daar word aanbeveel dat onderwysers en leerders gebruik maak van die beskikbare tegnologie en vakverwante sagteware ten einde hulle begrip van die vak en veral van die interpretasie van nuwe inhoud te verbeter.
7. Die WKOD het 'n riglyndokument uitgegee om onderwysers behulpsaam te wees met die integrasie van IKT met onderrig en leer.
8. Die riglyndokument dek die volgende onderwerpe:
  • Algemene gebruik van IKT oor alle vakke heen;
  • Opvoedkundige sagteware en hoe om dit te evalueer;
  • Gebruik van die World Wide Web in elke vak;
  • Gebruik van digitale hulpmiddels wat deur die WKOD verskaf word.
9. Die riglyndokument is beskikbaar op die Kurrikulumwebtuiste by http://curriculum.pgwc.gov.za
[ of hier - grootte 489 KB ]
10. Bring asseblief die inhoud van hierdie minuut onder die aandag van alle belanghebbendes.


GETEKEN: SM NAICKER
HOOF: ONDERWYS
DATUM: 2009:04:15