| 1. |
Die aangehegte rooster vir die BOOV-vlak 4-eksamen in Junie 2009 is so pas van die nasionale Departement van Onderwys ontvang. Die eksamen sal op 1 Junie 2009 'n aanvang neem en op 22 Junie 2009 ten einde loop. Op sekere dae sal die eksamen om 09:00 geskryf word, en op ander dae sal dit om 14:00 begin. Aangesien hierdie eksamen 'n nasionale proses is, is die datums en tye van toepassing op die hele land en geen afwyking van die rooster kan toegelaat word nie.
|
| 2. |
Soos in die verlede sal onderwysdistrikskantoor-, Hoofkantoor- en Umalusi-beamptes die eksamenproses monitor. Hierdie monitors moet slegs toegelaat word om eksamens te monitor as hulle 'n brief kan toon waarin hulle gemagtig word om dit namens hulle kantore te doen.
|
| 3. |
Indien 'n sentrum se eksamens afgeneem word op die perseel van 'n hoofstroomskool, moet die sentrumbestuurder vooraf reëlings tref vir die gebruik van die kluis, administratiewe afdeling, klaskamers, ablusiefasiliteite, ens.
|
| 4. |
Sentrums moet seker maak dat hulle hoofopsieners en opsieners goed opgelei en bevoeg is om die administrasie van die eksamen op effektiewe wyse te hanteer.
|
| 5. |
Dit is die funksie van die sentrumbestuurder om alle administratiewe sake te bestuur. Alle sentrumbestuurders moet dus voor die aanvang sowel as na afloop van elke eksamensessie by die eksamensentrums wees.
|
| 6. |
Geen persoon mag tot die eksamenlokaal toegelaat word nie tensy hy of sy 'n toelatingsbrief getoon het.
|
| 7. |
Sentrumbestuurders word ook versoek om die volgende te doen:
|
| 7.1 |
Al hulle opvoeders en kandidate so gou as moontlik van die eksamenrooster te voorsien om hulle in staat te stel om hulle finale voorbereidings vir die eksamens te tref;
|
| 7.2 |
Al hulle kandidate daaraan te herinner dat hulle identiteitsdokumente en toelatingsbriewe voor die aanvang van elke eksamensessie getoon moet word om identiteitsbedrog deur kandidate te voorkom. Indien 'n kandidaat toegelaat word om 'n eksamen te skryf sonder die geldige identiteitsdokument en toelatingsbrief, sal dit geag word 'n onreëlmatigheid te wees, in afwagting van 'n departementele ondersoek na die wettigheid van die kandidaat wat daardie eksamen geskryf het.
|
| 8. |
Geliewe al die kandidate namens die Wes-Kaap Onderwysdepartement alles van die beste toe te wens vir hierdie eksamens.
|
GETEKEN: T SINGH
HOOF: ONDERWYS
DATUM: 2009:04:01
|