| 1.1 |
Die Raad van Onderwysministers (ROM) het in September 2007 besluit dat 'n Algemene Onderwyssertifikaat (AOS) van 2010 af aan graad 9-leerders uitgereik sou word.
|
| 1.2 |
Die AOS-kwalifikasie is op 22 Oktober 2008 by die Suid-Afrikaanse Kwalifikasieowerheid op NKR-vlak 1 geregistreer.
|
| 1.3 |
Die nasionale en provinsiale onderwysdepartemente sal oor die volgende drie jaar aandag skenk aan die versterking van AOS-assessering in die klaskamer, die voorsiening aan onderwysers van voorbeelde van goeie assessering, die toekenning van 'n AOS aan die einde van graad 9 en die ontwikkeling van doeltreffende eksterne assessering oor grade heen.
|
| 1.4 |
Assesseringsprosesse en -stelsels word tans voorberei vir die implementering van 'n volskaalse loodsprogram van die AOS in die WKOD in 2009.
|
| 1.5 |
Die Nasionale Beleid oor Assessering en Kwalifikasies vir Skole in die Algemene-onderwys-en-opleidingsband word tans hersien en dit kan beteken dat hoofstuk 2 herskryf moet word om beleid vir die AOS in te sluit. Daarbenewens is die bevorderingsvereistes van graad 1 tot 9 ook gewysig. Hierdie dokument is alreeds uitgestuur vir openbare kommentaar en kritiek. Dit sal aan alle skole beskikbaar gestel word onmiddellik nadat dit in die Staatskoerant verskyn het..
|
| 1.6 |
Alle vraestelle vir die AOS sal opgestel word deur die nasionale DvO.
|
| 1.7 |
Die eerste deel van die stel gestandaardiseerde assesseringstake wat ekstern opgestel word (GTA, Afdeling A) sal in Kwartaal 2 (Mei-Junie 2009) afgeneem word ten einde onderwysers van voorligting in die toepaslike standaard van assessering vir graad 9 te voorsien.
|
| 1.8 |
Die tweede deel van die stel assesseringstake wat ekstern opgestel word (GTA, Afdeling B), sal in Kwartaal 4 afgeneem word in ooreenstemming met 'n verpligte nasionale rooster wat deur die nasionale DvO opgestel sal word. Die voorgestelde datums vir die afneem van GTA, Afdeling B is van 20 November 2009 tot 4 Desember 2009.
|
| 2. |
PROVINSIALE PROSEDURES
|
| 2.1 |
Die WCED Regulatory Framework for the Conduct, Administration and Management of the CTA is in 2008 aan skole uitgestuur. Die doel van daardie dokument is om te verseker dat alle prinsipale, onderwysers en amptenare 'n algemene begrip het van die prosesse en prosedures vir die afneem van die GTA's. Die dokument sal gewysig word om voorsiening te maak vir die AOS.
|
| 2.2 |
Die WKOD-modereringsprotokol vir skoolgebaseerde assessering sal mettertyd aan alle skole voorsien word. Die modereringsprotokol bepaal die prosedures vir monitering en moderering op skool-, kluster- en provinsiale vlak.
|
| 2.3 |
Gereelde bywerkings van graad 9-assesseringsprosesse en -prosedures, insluitende die vaslę van die graad 9-uitslae in 2009, sal aan distrikte en skole voorsien word sodra hulle in die Staatskoerant verskyn het.
|
| 3. |
ONDERWYSDISTRIKTE SE BETROKKENHEID
|
| 3.1 |
Onderwysdistriksbestuurders moet seker maak dat die jongste AOS-inligting onder die aandag van alle betrokkenes gebring word.
|
| 3.2 |
Streng moderering en monitering, asook doeltreffende ondersteuning aan skole, moet gebaseer wees op die nasionale en provisiale beleide ten einde die geloofwaardigheid van die AOS te verseker.
|
| 3.3 |
Skole moet alle aansoeke om wysigings namens leerders wat leerstoornisse ondervind teen 31 Maart 2009 indien by die distriksassesseringskoördineerder by die betrokke onderwysdistrikskantoor. Hierdie aansoeke moet goedgekeur word deur die distriksgebaseerdeondersteuningspanne. Die distriksassesseringskoördineerder moet 'n opsomming van al die goedgekeurde aansoeke teen 3 April 2009 stuur aan
Mnr André Clausen
Direkteur: Eksamenadministrasie
Wes-Kaap Onderwysdepartement
Kamer 512
Grand Central Towers
Laer Parlementstraat
Kaapstad
8001
Tel nr. 021 467 2945
|
| 4.1 |
Skole word dringend versoek om hulle leerderregistrasierekords op die SOBIS teen 31 Maart 2009 by te werk. Daar moet spesifiek aandag gegee word aan die korrekte registrasie van die verskillende taalvlakke wat deur elke leerder aangebied word.
|
| 4.2 |
Getalle vir die aflewering van die vraestelle vir al die leerareas, behalwe die tale, sal gebaseer wees op die taal van leer en onderrig van die skool, wat duidelik op die SOBIS aangedui moet word.
|
| 4.3 |
Die aantal graad 9-vraestelle, -memorandums, -hulpbronboeke en ander -assesseringsinstrumente wat vir die GTA's, Afdelings A en B, voorsien sal word, sal gebaseer word op SOBIS-registrasies. Die WKOD sal nie bykomende aflewerings maak vanweë foutiewe leerderregistrasie-inligting nie.
|
| 4.4 |
Nasien, interne moderering en opteken van die assessering sal op skoolvlak geskied.
|
| 5. |
SAMEVATTING
Onderwysdistriksbeamptes, kurrikulumbestuurders en prinsipale word vriendelik versoek om die inhoud van hierdie minuut onder die aandag van alle betrokkenes te bring.
|
GETEKEN: T SINGH
HOOF: ONDERWYS
DATUM: 2009:03:17
|