1. INLEIDING
1.1 Die eerste Nasionale Senior Sertifikaat- (NSS-) eksamen is in November 2008 afgeneem. Ingevolge die Regulasies vir die Afneem, Administrasie en Bestuur van Assessering vir die Nasionale Senior Sertifikaat-eksamen (Staatskoerant nr. 31337, Augustus 2008) moet 'n kandidaat wat versuim om te voldoen aan die vereistes vir skoolgebaseerde assessering, maar wat 'n geldige rede voorsien waarom dit nie gedoen is nie, nog 'n geleentheid gebied word om in die bepaalde taak/take geassesseer te word.
1.2 Leerders wat van dié geleentheid gebruik wil maak, moet voor 16 Maart 2009 die uitstaande assesseringstaak/-take indien of hom- of haarself vir skoolgebaseerde assessering aanmeld.

2. VERBETERING VAN SKOOLGEBASEERDE ASSESSERINGSPUNTE VIR LEWENSORIËNTERING
2.1 In die geval van Lewensoriëntering word die finale bevorderingspunt gebaseer slegs op skoolgebaseerde assessering. Daar is dus geen aanvullende eksamen in hierdie vak nie.
2.2 Indien 'n kandidaat sy of haar punt vir Lewensoriëntering wil verbeter ten einde die NSS te behaal, dan kan daardie kandidaat die geleentheid gebied word om die taak/take wat uitstaande is, of 'n nuwe volledige portefeulje van assessering, soos ooreengekom met die betrokke onderwyser, voor 16 Maart 2009 in te dien.

3. SPESIALE PROSEDURES VIR DIE INDIEN VAN UITSTAANDE SKOOLGEBASEERDE ASSESSERINGSTAKE (PRAKTIESE ASSESSERINGSTAKE EN LEWENSORIëNTE-RINGSTAKE INGESLUIT).
3.1 Aansoeke om herassessering van Skoolgebaseerde Assessering moet deur die skool gedoen word. Die aansoekvorm is aan dié omsendbrief geheg as Bylaag A. Die skool moet die voltooide aansoekvorms by die onderwysdistrikskantoor indien vir rekorddoeleindes.
3.2 Die onderwys-distrikskantoor moet alle voltooide aansoekvorms vir rekorddoeleindes by die Direktoraat: Eksamenadministrasie inhandig teen Woensdag 25 Februarie 2009. Die volledige adres is in paragraaf 3.7.
3.3 Kandidate moet toegelaat word om onmiddellik voort te gaan met die skoolgebaseerde assesseringstake.
3.4 Ouers en kandidate moet volle verantwoordelikheid aanvaar vir die indien van uitstaande assesseringstake by die skool teen 16 Maart 2009. Hulle moet dus versoek word om onmiddellik met die skool in verbinding te tree om reëlings te tref vir die indien van daardie take.
3.5 Die skool moet die datums vir die indien van take bepaal en seker maak dat die nasien en moderering in ooreenstemming is met nasionale en provinsiale beleide.
3.6 Daar word van die onderwysdistrikskantoor verwag om die nodige reëlings te tref vir die moderering van die assessering van portefeuljes.
3.7 Onderwysdistriksbeamptes moet seker maak dat die moderering van hierdie take op beide skool- en distriksvlak geskied. Die gemodereerde finale punte moet teen Vrydag 3 April 2009 in gedien word by die volgende adres:
Mnr André Clausen
Direkteur: Eksamenadministrasie
Wes-Kaap Onderwysdepartement
Kamer 512
Grand Central Towers
Laer Parlementstraat 
Kaapstad
8001
Tel. nr. 021 467 2945
3.8 Skoolprinsipale en onderwysers word vriendelik versoek om ondersteuning te bied aan kandidate wat nie hulle skoolgebaseerde assesserings voltooi het nie.

4. SAMEVATTING

Prinsipale word vriendelik versoek om die inhoud van hierdie omsendbrief onder die aandag van die betrokke onderwysers, kandidate en ouers te bring.



GETEKEN: AP CLAUSEN
HOOF: ONDERWYS
DATUM: 2009:02:16


Bylaag A: Aansoeke om herassessering van Skoolgebaseerde Assessering  (grootte: 91 KB)

"Regulations Pertaining to the Conduct, Administration and Management of Assessment for the National Senior Certificate" (Staatskoerant nr. 31337, Augustus 2008)
  Volledige dokument  (grootte: 2 212 KB)
of
  Dokument sonder bylaes  (grootte: 773 KB)
  Bylae A - N  (grootte: 660 KB)
  Bylae M - O  (grootte: 695 KB)