1.1 |
Die Wes-Kaap Onderwysdepartement (WKOD) sal weereens geleenthede skep vir volwassenes om die nasionale BOOV vlak 4-eksamen in Junie en Oktober 2009 af te lê.
|
1.2 |
In die finale assessering op BOOV vlak 4, sal die verhouding van eksamen- tot terreingebaseerde assessering (TGA) 50:50 bly.
|
1.3 |
Die eksamens word opgestel deur nasionale panele wat ook 'n stel gestandaardiseerde TGA-take vir 2009 opgestel het.
|
1.4 |
Die nasionale Departement van Onderwys (DvO) het hierdie gestandaardiseerde TGA-take aan die provinsies voorsien vir gebruik deur alle sentrums wat in 2009 deelneem aan die BOOV Vlak 4-assessering.
|
2. |
Terreingebaseerde assessering
|
2.1 |
Die TGA-take vir 2008 is geldig tot Junie 2009. Dit beteken dat hulle slegs gebruik kan word vir kandidate wat voorberei om die Junie 2009 nasionale eksamen af te lê.
|
2.2 |
BOOV-adviseurs in al die onderwysdistrikte het in November 2009 'n CD ontvang wat die DvO se terreingebaseerde-assesseringstake vir 2009 bevat.
|
2.3 |
Onderwysdistrikte sal in die eerste kwartaal van 2009 standaardstellingsvergaderings hou waartydens alle sentrums wat deelneem aan die nasionale BOOV vlak 4-assessering 'n CD met die DvO se gestandaardiseerde take sal ontvang. Dit is noodsaaklik dat alle BOOV vlak 4-onderwysers al die distriksmodereringsvergaderings sal bywoon, insluitend die standaardstellings-, die halfjaar-moniterings- en die finale modereringsvergaderings.
|
2.4 |
In 2009 moet elke leerderportefeulje die vyf gestandaardiseerde take bevat wat deur die DvO voorsien word. Alle leerderportefeuljes MOET deur onderwysers en leerders as outentiek verklaar word.
|
2.5 |
Onderwyserportefeuljes moet al die bewyse van onderrig, leer en assessering vir die bepaalde program bevat. Dit beteken dat die portefeuljes die onderwyser se leerprogram, 'n assesseringsplan per leerarea, lesplanne, klas-assesseringstake en -instrumente, gestandaardiseerde assesseringstake en -instrumente van die DvO, nasienblaaie en die toepaslike beleidsdokumente vir die onderrig van die BOOV vlak 4-kurrikulum en die afneem van assessering moet bevat.
|
2.6 |
Kurrikulumadviseurs sal standaardstellings-, moniterings- en modereringsvergaderings hou waar onderwysers opgelei sal word vir die gebruik van die nuwe TGA-take.
|
3.1 |
Albei eksamens (Junie en Oktober) sal deur die WKOD, die DvO en Umalusi gemoniteer word.
|
3.2 |
Die eksamen word tans gebruik om die TGA statisties te modereer, soos aangedui in Omsendbrief 27/2004, en dit is dus belangrik dal alle kandidate wat die eksamen aflê in eksamentegnieke opgelei moet word. Onderwysers word aangeraai om na die hoofeksaminatore se BOOV vlak 4-verslae sowel as vorige vraestelle te verwys wanneer hulle kandidate vir die eksamen voorberei. CD's van vorige vraestelle en voorgestelde antwoorde is beskikbaar by Edumedia by 021 689 9536.
|
3.3 |
Besonderhede van die amptelike eksamenrooster sal binnekort aan verskaf word. |
4. |
Distriksondersteuning
Die volgende kurrikulumadviseurs kan geskakel word indien verdere ondersteuning benodig word:
Onderwysdistrik | BOOV-beampte | TELEFOON (werk) |
Kaapse Wynland | Mnr Thomas Michaels (waarnemend) | 023 348 4628 |
Metro-Sentraal | Mnr Derrick Sayster (waarnemend) | 021 659 4344 |
Metro-Oos | Me Rejean Muller | 021 900 0966 |
Eden en Sentraal Karoo | Mnr Dirk Henry Me Carlene Swartz | 044 873 6128 023 415 2070 |
Metro-Noord | Me Winifred Taylor | 021 938 3032 |
Overberg | Mnr Connell Balie (waarnemend) | 023 348 4619 |
Metro-Suid | Me Zukiswa Ntontela Me Vuyiswa Ndunduzela (waarnemend) | 021 370 2056 021 370 2053 |
Weskus | Me Nompumelelo Moyi (waarnemend) | 021 860 1583 |
|
5.1 |
Alle BOOV-sentrums wat kandidate vir die BOOV vlak 4-eksamen in Oktober voorberei, moet die gestandaardiseerde TGA vir 2009 implementeer en aan die vereistes van die DvO voldoen.
|
5.2 |
Punte wat in 2008 deur kandidate vir TGA behaal is, is slegs geldig tot Junie 2009. Die gestandaardiseerde assesseringstake moet vanaf Januarie 2009 geïmplementeer word.
|
5.3 |
Sentrumbestuurders word versoek om die inhoud van hierdie minuut onder die aandag van alle BOOV vlak 4-onderwysers en -leerders te bring.
|
GETEKEN: BK SCHREUDER
HOOF: ONDERWYS
DATUM: 2009:01:22
|