1. Die WKOD het verskeie besware aangeteken oor die standaard en billikheid van sekere vrae in spesifieke leerareas van die 2009 Gemeenskaplike Take vir Assessering (GTA's).
2. Na deeglike oorweging en insette van leerareakundiges, het die WKOD besluit om die graad 9-program vir die uitreiking van uitslae aan te pas om te verseker dat leerders nie onregverdig benadeel word in die leerareas, Kuns en Kultuur, Xhosa Eerste Addisionele Taal en Natuurwetenskappe nie.
3. Onderwysers moet steeds nasien ooreenkomstig die memorandum wat voorsien is deur die nasionale Departement van Basiese Onderwys. Skole mag geen afdeling van die memorandum uitlaat nie, en mag ook nie hulle eie aanpassings maak nie.
4. Rou punte wat deur leerders vir Afdeling B van die GTA behaal is, moet steeds op rekord geplaas word met behulp van die WKOD graad 9-program vir die uitreiking van uitslae, wat van SOBIS afgelaai moet word vanaf 27 November 2009.
5. Die graad 9-program vir die uitreiking van uitslae sal die WKOD-goedgekeurde aanpassings vir die drie leerareas bevat en sal outomaties die uitslae vir die 4de kwartaal bereken, sowel as die finale bevorderingspunt per leerarea.
6. Skoolhoofde moet seker maak dat die punte op die leerders se rapportkaarte dieselfde is as dié op die finale lys van goedgekeurde uitslae.
7. Stel asseblief alle onderwysers van die inhoud van hierdie minuut in kennis.


GETEKEN: PA VINJEVOLD
HOOF: ONDERWYS
DATUM: 2009:11:26