| 1. |
Die Jaarlikse Nasionale Assessering maak deel uit van die Grondslae-vir-leer-veldtog, soos aangedui in Assesseringsminuut 0033/2009 en 0028/2009. |
| 2. |
Die WKOD is bewus van probleme wat deur onderwysers ervaar word ten opsigte van die Jaarlikse Nasionale Assesserings. Baie skole het ook klagtes ingedien oor die assesserings wat aangestuur word na die nasionale Departement van Onderwys. |
| 3. |
Die WKOD wil hiermee opreg verskoning aanbied vir die wyse waarop die 2009 Jaarlikse Nasionale Assesserings bestuur en gekoördineer is. Dit word tans deur die WKOD aangespreek en 'n gedetailleerde verslag sal aan die nasionale Departement van Onderwys voorgelê word. |
| 4. |
Die keerdatum vir die vaslegging van die Jaarlikse Nasionale Assesserings vir graad 1 tot 6 is verander na 30 November 2009 om alle skole te akkommodeer. |
| 5. |
Addisionele riglyne vir die vaslegging van die data is op die SOBIS-webtuiste geplaas. |
| 6. |
Indien u skool steeds probleme ervaar met die vaslegging van data, skakel asseblief Dr RS Cornelissen by tel. nr. 021 467 2286. |
| 7. |
Bring asseblief die inhoud van hierdie minuut onder die aandag van alle onderwysers en administratiewe personeel van u skool. |
GETEKEN: P VINJEVOLD
HOOF: ONDERWYS
DATUM: 2009:11:24
|