| 1.1 |
Staatskoerant 29626 van 12 Februarie 2007 bepaal dat die GTA die enigste formele graad 9-assessering vir kwartaal 4 sal wees. Daar is van alle skole verwag om die GTA: Afdeling A vanaf 5 Oktober 2009 af te neem.
|
| 1.2 |
Afdeling B: is die formele pen-en-papiertaak (eksamen) en word afgeneem van 16 Novemebr 2009 tot 30 November 2009.
|
| 2. |
GTA: Afdeling A - isiXhosa Tweede Addisionele Taal
|
| 2.1 |
Die WKOD het etlike klagtes ontvang oor die moeilikheidsvlak van die isiXhosa Tweede Addisionele Taal vraestel vir Afdeling A van die GTA.
|
| 2.2 |
Ten einde billikheid en konsekwentheid in die uitreiking van uitslae van graad 9-leerders in hierdie leerarea te verseker, het die WKOD besluit om 'n spesiale toegewing vir GTA: Afdeling A toe te laat.
|
| 2.3 |
Skole wat isiXhosa Tweede Addisionele Taal aanbied, word aangeraai om die punte wat aan elke leerder vir skoolgebaseerde assessering (SGA) gedurende die jaar toegeken is, te gebruik om die leerder se finale punt vir Afdeling A van die GTA te bereken. Met ander woorde, elke leerder se punte vir Afdeling A van die GTA (120 punte) sal bereken word van die punte wat die leerder deur die jaar vir SGA behaal het.
|
| 3. |
GTA: Afdeling B - isiXhosa Tweede Addisionele Taal
|
| 3.1 |
Die WKOD het ook besluit om 'n provinsiale vraestel vir GTA: Afdeling B op te stel.
|
| 3.2 |
Die provinsiaal-opgestelde GTA: Afdeling B sal aan alle skole gestuur word om die nasionaal-opgestelde GTA: Afdeling B te vervang.
|
| 3.3 |
Skole moet dus die provinsiaal-opgestelde vraestel vir die isiXhosa-TAT-eksamen wat vir 30 November 2009 geskeduleer is, gebruik. Die skryf van die provinsiaal-opgestelde GTA: Afdeling B vir isiXhosa Tweede Addisionele Taal is verpligtend vir alle skole wat die leerarea aanbied.
|
| 4. |
Voltooiing van die rekordblaaie vir isiXhosa TAT
|
| 4.1 |
Skole moet die punte wat opgeteken is vir alle formele SGA-take wat deur die jaar deur elke leerder voltooi is, die leerder se berekende punt vir Afdeling A en die punt behaal deur elke leerder vir Afdeling B, vaslê.
|
| 4.2 |
Leerders se punte vir Afdeling A (120 punte) sal bereken word van die punte wat hulle deur die jaar vir SGA behaal het.
|
| 4.3 |
Leerders se punte wat vasgelê word vir Afdeling B (80 punte) sal gebaseer wees op die werklike prestasies van die leerders in die GTA: Afdeling B.
|
| 4.4 |
Die graad 9-program vir die uitreiking van uitslae sal outomaties elke leerder se bevorderingsuitslag dienooreenkomstig bereken.
|
| 5. |
Enige vrae oor hierdie proses kan gerig word aan u distrikassesseringskoördineerder.
|
GETEKEN: T SINGH
HOOF: ONDERWYS
DATUM: 2009:11:18
|