1. Hierdie minuut moet saamgelees word met Omsendbrief 0014/2009 van 14 April 2009, wat die finale rooster vir die Nasionale Senior Sertifikaat-eksamen van 2009 vergesel het.
2. Hieronder is die tye wat toegeken moet word aan die prosesse wat die skryf van die Spoedtoets in Oktober 2009 vir Rekenaartoepassingstegnologie voorafgaan:

  • 08:00 tot 08:15: Aankoms van kandidate en kort inleiding t.o.v. eksameninstruksies en onreël-matighede ;
  • 08:15 tot 08:25: Aanlogproses;
  • 08:25 tot 08:45 Oefening en opwarming;
  • 08:45 tot 08:55: Leestyd;
  • 08:55 tot 09:00: Aanpassing van ontbrekende bladsyverstellings en invoeging van gepaste opskrifte;
  • 09:00 tot 09:10: Aflê van die spoedtoets.
3. Prinsipale word versoek om die inhoud van hierdie minuut onder die aandag te bring van alle kandidate wat die Spoedtoets in Rekenaartoepassingstegnologie vir die November 2009 Nasionale Senior Sertifikaat-eksamen skryf,asook die onderwysers wat hierby betrokke is.


GETEKEN: AP CLAUSEN
WND. HOOF: ONDERWYS
DATUM: 2009:10:05