| 1.1 |
Die GTA's moet ooreenkomstig die Raamwerk vir die Regulering van die GTA afgeneem word soos bepaal in Omsendbrief 0036/2008. |
| 1.2 |
Alle onreëlmatighede moet aan die distrikonreëlmatigheidsbeampte gerapporteer word. |
| 2. |
Aflewering van Afdelings B van die GTA's |
| 2.1 |
Afdeling B sal in November by skole afgelewer word as voorbereiding vir die aanvang van die formele assessering op 16 November 2009. |
| 2.2 |
Aflewering van GTA's is gebaseer op die getal leerders wat die skool op die SOBIS geregistreer het. Waar die registrasiegetalle op die SOBIS korrek is, maar die WKOD die verkeerde getal kopieë afgelewer het, moet tekorte onmiddellik by een van die volgende beamptes gerapporteer word:
|
| 3. |
Afneem van die Gemeenskaplike Take vir Assessering (GTA) in graad 9 |
| 3.1 |
Afneem van Afdeling B |
| 3.1.1 |
Afdeling B van elke GTA sal bestaan uit individuele take en moet onder beheerde eksamenomstandighede afgeneem word. |
| 3.1.2 |
Afdeling B van elke GTA moet van 16 - 30 November 2009 afgeneem word ooreenkomstig die rooster aangeheg by omsendskrywe 0030/2009. |
| 3.1.3 |
Prinsipale word daaraan herinner dat hulle streng moet bly by die nasionale rooster vir die afneem van Afdeling B van die GTA's. Versuim om by hierdie rooster te bly, sal as 'n eksamenonreëlmatigheid geld en sal dienooreenkomstig gehanteer word. |
| 3.2.1 |
Die huistale sal op 23 November 2009 geskryf word. Die eerste sessie sal van 09:00 tot 11:00 wees en die tweede sessie van 12:00 tot 14:00. |
| 3.2.2 |
Om leerders wat twee amptelike tale op huistaalvlak aanbied te akkommodeer, sal die volgende reëlings van toepassing wees:
- Een huistaal sal op 23 November 2009 van 09:00 tot 11:00 geskryf word en die ander huistaal op dieselfde dag van 12:00 tot 14:00.
- Om die geloofwaardigheid van hierdie skriftelik taak te verseker, moet alle leerders wat twee amptelike tale op huistaalvlak aanbied, na die eerste sessie onder beheerde omstandighede by die skool bly.
- Prinsipale en onderwyseropsieners moet seker maak dat leerders wat 'n huistaalvraestel in die namiddag skryf, geen kontak het met leerders wat dieselfde huistaalvraestel in die oggend geskryf het nie.
|
| 3.2.3 |
Aangesien hierdie afdeling onder formele eksamentoestande afgeneem word, sal geen leerder toegelaat word om 'n selfoon in sy of haar besit te hê terwyl 'n GTA geskryf word nie. Dit is noodsaaklik dat daar in hierdie verband streng kontrole moet wees. |
| 3.3 |
Eerste Addisionale Tale |
| 3.3.1 |
Alle eerste addisionele tale sal op 24 November 2009 van 09:00 tot 11:00 geskryf word. |
| 3.3.2 |
As daar enige leerders is wat twee tale op eerste addisionele taalvlak aanbied, moet hulle onder beheerde omstandighede op die skoolterrein bly en die ander eerste addisionele taalvraestel op 24 November 2009 van 12:00 tot 14:00 skryf. Dieselfde prosedures soos vir die skryf van huistale op 23 November 2009 moet gevolg word. |
| 3.4 |
Tweede Addisionele Tale |
| 3.4.1 |
Alle leerders wat tale op tweede addisionle taalvlak aanbied, sal op 30 Novemebr 2009 van 09:00 tot 11:00 skryf. |
| 4.1 |
Die memorandums vir al die leerareas sal voorsien word op 'n CD met wagwoordbeskerming. Die memorandum vir elke leerarea sal 'n individuele wagwoord hê. |
| 4.2 |
Die CD's wat die memorandums bevat, sal by skole afgelewer word. Die CD's sal in 'n verseëlde houer wees wat weer in 'n koevert in een van die bokse sal wees. Die boks wat die CD's bevat, sal duidelik gemerk wees. |
| 4.4 |
Daarbenewens sal distriksbeamptes die wagwoorde per e-pos stuur aan al die beamptes wat betrokke is by hierdie proses. |
| 4.5 |
Skole wat probleme met e-pos- of Internetverbindings ervaar, kan die distrikassesseringskoördineerders en IBB-bestuurders skakel om die wagwoorde te bekom. |
| 5. |
Aanpassings vir leerders met spesiale behoeftes |
| 5.1 |
Die nasionale Departement van Onderwys sal GTA's in Braille en in vergrote druk lewer aan die WKOD-skole wat versoeke om sodanige aanpassings ingedien het. |
| 5.3 |
Geen veranderings mag aangebring word aan die memorandum van enige leerarea nie. Aanpassings wat egter gemaak word om te verseker dat 'n memorandum van 'n spesifieke leerarea leerders met stoornisse in aanmerking neem, moet in rooi op die memorandum aangedui word en aan die distrikassesseringskoördineerders voorgelê word. Sodanige aangepaste memorandums sal geliasseer word as deel van 'n proses van die opbou van 'n databank van voorbeelde van goeie praktyk by skole van die WKOD. |
| 6.1 |
Die kaarte vir Sosiale Wetenskappe sal gebruik word vir beide Afdeling A en B van die GTA's. Skole word versoek om seker te maak dat hierdie kaarte in 'n goeie toestand teruggegee word na voltooiing van Afdeling A, en dat hulle op 'n veilige plek bewaar word. Hulle moet weer op 17 November 2009 uitgedeel word vir die afneem van Afdeling B van die Sosiale Wetenskappe. |
| 7. |
Optekening en verslaggewing
Skole moet seker maak dat hulle gebruik maak van die graad 9-punteskemas wat op die SOBIS-webwerf by http//cemis.wcape.gov.za onder die opskrif Verslae en Assesserings verskyn, soos gemeld in Omsendbrief 0030/2009. Instruksies moet gevolg word sodat die program effektief by skole gebruik kan word. Ondersteuning kan verkry word van die assesseringskoördineerders in die onderwysdistrikte. |
| 8. |
Prinsipale word versoek om te verseker dat alle graad 9-onderwysers bekend is met die inligting wat in hierdie minuut vervat is. |
GETEKEN: T SINGH
WND. HOOF: ONDERWYS
DATUM: 2009:09:30
|