| 1. |
In April 2009 nadat opdrag van die nasionale Departement van Onderwys ontvang is, het die Wes-Kaap Onderwysdepartement (WKOD) Omsendbrief 18/2009 aan alle skole uitgestuur en hulle ingelig dat die vorderingsvereistes vir graad 1 tot 8 en die bevorderingsvereistes vir graad 9 met ingang van 2009 verander is. Die nuwe vereistes het beteken dat die minimumslaagvlak in tale en Wiskunde vir graad 9 verhoog is. |
| 2. |
Nadat die skole in Junie 2009 verwittig is van die nuwe vereistes, is die WKOD in Augustus 2009 deur die nasionale Departement van Onderwys in kennis gestel dat die nuwe vereistes slegs in 2010 verpligtend sou word. |
| 3. |
Dit beteken dat vordering en bevordering vir graad 1 tot 9 in 2009 soos in die verlede sal geskied. |
| 4. |
In graad 9 in 2009 sal leerders bevorder word na graad 10 slegs as hulle 'n Kode 3- (40 - 49%) uitslag in een van die amptelike tale, Wiskunde en vier ander leerareas behaal het. Hulle moet ook 'n Kode 2- (30 - 39%) uitslag in 'n ander amptelike taal behaal en die interne en eksterne assesserings vir al agt leerareas voltooi. |
| 5. |
Die WKOD wil graag vir onderwysers, ouers en leerders om verskoning vra vir die verwarrende boodskappe en die spanning wat Omsendbrief 18/2009 moontlik kon veroorsaak het. |
| 6. |
Dit is egter belangrik dat alle onderwysers, ouers en leerders bekend moet wees met die nuwe vereistes wat met ingang van 2010 geïmplementeer sal word. |
| 7. |
Prinsipale word vriendelik versoek om die inhoud van hierdie minuut onder die aandag van alle ouers te bring. |
GETEKEN: BK SCHREUDER
WND. HOOF: ONDERWYS
DATUM: 2009:09:15
|