1.1 |
Moderering van terreingebaseerde assesseringstake deur onderwysdistriksbeamptes is 'n belangrike gehalteversekeringsprosedure aangesien dit verseker dat daar aan beleid voldoen word en waardevolle terugvoering aan opvoeders en sentrumbestuurders verskaf. |
1.2 |
Provinsiale moderering en verifikasie word ook gedoen om te verifieer of die moderering van terreingebaseerde assesseringstake op 'n effektiewe en konsekwente manier in die verskillende onderwysdistrikte gedoen is. |
2. |
Provinsiale verifikasievergadering |
2.1 |
Die WKOD provinsiale verifikasievergadering sal soos volg plaasvind:
- Datum: 29 - 30 September 2009
- Tyd: 08:00 - 16:00
- Plek: Onderwysdistrikskantoor Weskus (Paarl).
|
2.2 |
Die program vir hierdie vergadering is as Bylae A by hierdie minuut aangeheg. |
2.3 |
VOO-kurrikulumadviseurs word versoek om 3 portefeuljes en 3 werkboeke per leerarea van alle sentrums wat vir die Oktober/November 2009-eksamen geregistreer is, saam te bring. Die portefeuljes moet ooreenkomstig die volgende vereistes geselekteer en ingedien word:
- 1 X leerderportefeulje en werkboek met 'n totale TGA-punt van tussen 70% en 100%;
- 1 X leerderportefeulje en werkboek met 'n totale TGA-punt van tussen 40% en 69%;
- 1 X leerderportefeulje en werkboek met 'n totale TGA-punt van benede 40%.
|
2.4 |
VOO-kurrikulumadviseurs moet die volgende dokumentasie wat gebruik sal word om modereringsprosesse op onderwysdistrikvlak te verifieer, voorsien:
- Onderwysdistrikte se modereringsverslae - insluitende verslae oor die standaard bepalingsvergadering en moniteringsvergadering wat in die onderwysdistrik gehou is;
- Die VOO-kurrikulumadviseur se lêers wat die modereringsvorms en beleids-dokumentasie bevat;
- Opvoederportefeuljes per sentrum per leerarea wat die leerderportefeuljes moet vergesel.
|
3. |
VOO-kurrikulumadviseurs word versoek om die provinsiale modereringsterugvoering-sessie by te woon soos op die program aangedui is. |
GETEKEN: T SINGH
WND. HOOF: ONDERWYS
DATUM: 2009:09:11
|