| 1. |
Ingesluit is die analise van die uitslae wat deur die Wes-Kaap Onderwysdepartement in die 2008-Nasionale Senior Sertifikaat-eksamen behaal is.
|
| 2. |
Gedurende die nasienproses in Desember 2008 is die punte wat deur elke kandidaat in elke vraag in elke vraestel behaal is, verwerk ten einde die WKOD in staat te stel om hierdie analise aan skole te voorsien.
|
| 3. |
Kurrikulumbeplanners en -adviseurs word voorsien van die data vir die provinsie en per distrik sodat hulle intervensie strategieë kan ontwikkel om onderwysers met moeilike aspekte van die sillabus te help.
|
| 4. |
Hierdie data sal ook elke skool in staat stel om te bepaal waar sy kandidate goed gevaar het en waar hulle probleme met vrae ondervind het.
|
| 5. |
Die data behoort ook vir skoolhoofde te help in hulle taak om die standaard en gehalte van die werk wat in hulle skole gedoen word, te verseker.
|
| 6. |
Hierdie data sluit die volgende vir elke skool in:
- Die persentasie-verskil bo of onder die provinsiale gemiddelde wat die skool se kandidate in elke vraag behaal het. ('n Positiewe persentasie-verskil toon aan dat die gemiddelde persentasie bo die provinsiale gemiddelde was, terwyl 'n negatiewe persentasie-verskil dui op 'n gemiddelde persentasie onder die provinsiale gemiddelde).
- Die getal kandidate wat elke vraag aangepak het.
- Die afwyking in die gemiddelde persentasie tussen wat die kandidate vir die vraestel as 'n geheel behaal het en die gemiddelde vir die provinsie. (Dit verskyn in die laaste kolom).
|
| 7. |
Die onderwysers wat by elke vak betrokke is, moet die data bespreek, sterk en swak punte identifiseer, en die inligting gebruik in hulle vakbeplanning vir die jaar.
|
| 8. |
Waar ernstige uitdagings in 'n vak geïdentifiseer word, moet vakhoofde die kurrikulumadviseurs om hulp nader. Onderwysers wie se kandidate besondere sukses in spesifieke vrae behaal het, kan deur kurrikulumadviseurs versoek word om skole wat swak presteer het van advies te voorsien.
|
| 9. |
Die WKOD is daarvan oortuig dat skole sal baat by hierdie inligting en dat dit sal bydra tot die verbetering van die gehalte van onderwys in die Wes-Kaap.
|
GETEKEN: BK SCHREUDER
HOOF: ONDERWYS
DATUM: 2009:01:22
|