1. Afskrifte van die eerste konsepte van die roosters vir die volgende eksamens is aangeheg: 2010 Nasionale Senior Sertifikaat (NSS) Aanvullende Eksamen, 2010 NSS November-eksamen en 2010 Mei/Junie Senior Sertifikaat-eksamen.
2. Die datums waarop die eksamens geskryf sal word, is bepaal deur die nasionale Departement van Onderwys (DvO) in samewerking met die Provinsiale Onderwysdepartemente (POD's). Die roosters mag effens verander indien 'n botsing deur enige van die POD's gerapporteer word.
3. Prinsipale en sentrumbestuurders word versoek om alle roosterbotsings of vakke wat op die rooster uitgelaat mag wees, te rapporteer aan die WKOD. Sodanige verslae moet skriftelik voor Vrydag 28 Augustus 2009 ingedien word by die volgende adres:

 

Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
Kaapstad
8000

Faks: 021 461 5637
E-posadres:
tmagwaca@pgwc.gov.za

4. Indien 'n prinsipaal of sentrumbestuurder die verskuiwing van 'n vak of vraestel vanaf die bepaalde datum versoek, moet hy of sy die datum voorstel waarop daardie vak of vraestel geskryf kan word en die WKOD voorsien van die motivering vir die verlangde verskuiwing. Die verskuiwing van 'n vak of vraestel sal egter slegs oorweeg word indien dit nie 'n negatiewe impak sal hê op die meeste kandidate wat deur die verskuiwing geraak word nie.
5. Daar moet in gedagte gehou word dat hierdie voorlopige roosters is wat onderhewig is aan verandering. Die finale eksamenroosters sal gestuur word aan alle inrigtings sodra hulle goedgekeur is deur die Raad van Onderwysministers.
6. Bring asseblief die inhoud van hierdie minuut onder die aandag van alle kandidate wat enigeen van die bogemelde eksamens sal skryf.


GETEKEN: T SINGH
HOOF: ONDERWYS
DATUM: 2009:08:21

"2010 May/June Senior Certificate Examination Timetable"  (grootte: 28 KB)
"2010 National Senior Certificate (NSC) Examination Timetable for October/November"  (grootte: 48 KB)
"2010 National Senior Certificate (NSC) Supplementary Examination Timetable"  (grootte: 43 KB)