2.	PROSEDURES VIR VAKVERANDERINGE IN GRAAD 10, 11 EN 12

2.1	Die ouer moet skriftelik by die prinsipaal aansoek doen om die vakverandering en die rede(s) vir die versoek aandui. Die leerder se persoonlike besonderhede, soos adres en identiteitsnommer, moet ingesluit word.

2.2	Die prinsipaal of sy of haar gedelegeerde moet seker maak dat die ouer en die leerder die gevolge verstaan van die vakverandering wat hulle versoek.

2.3	Die prinsipaal moet met die leerder, sy of haar ouer of voog en die vakonderwyser beraadslaag om seker te maak dat konsensus bereik is of dit in die beste belang van die leerder sal wees om 'n vak te verander.

2.4	Na behoorlike beraadslaging en nadat 'n ooreenkoms bereik is, moet die leerder, sy of haar ouer of voog, die vakonderwyser en die prinsipaal 'n memorandum van ooreenkoms onderteken (Bylae A) wat aandui dat die vakverandering gemaak word in die beste belang van die betrokke leerder.

2.5	Die skool moet 'n lêer waarin al hierdie dokumente op rekord gehou word, byhou.

2.6	Distriksbeamptes kan te eniger tyd sulke dokumentasie van die skool aanvra.

3.	STELSEL VIR GOEDKEURING VAN VAKVERANDERINGE IN GRAAD 10, 11 EN 12 VAN 2010 AF

3.1	VAKVERANDERINGE IN GRAAD 10 VAN 2010 AF

3.1.1

'n Maksimum getal van twee vakke kan verander word.

3.1.2

Skole moet die leerder se prestasie in graad 10 sorgvuldig monitor en vakveranderinge te weeg bring in oorleg met die ouer(s) en die betrokke vakonderwyser.

3.1.3

Alle vakveranderinge sal deur die prinsipaal goedgekeur en aanlyn op SOBIS gedoen word.

3.1.4

Die sluitingsdatum vir versoeke van ouers aan skole om vakveranderinge is 30 Julie.

3.1.5

Alle vakveranderinge op SOBIS moet teen 16 Augustus voltooi wees.

3.2</td>

VAKVERANDERINGE IN GRAAD 11 VAN 2010 AF

3.2.1

'n Maksimum getal van twee vakke kan verander word.

3.2.2

Die sluitingsdatum vir versoeke van ouers aan skole om vakveranderinge is 30 Julie.

3.2.3

Alle aansoeke om vakveranderinge op SOBIS moet teen 16 Augustus voltooi wees.

3.2.4

Die prinsipaal sal aanbeveel en die Onderwysdistrik sal elektronies die aansoeke om vakveranderinge goedkeur teen 30 Augustus op die laatste.

3.3	VAKVERANDERINGE IN GRAAD 12 VAN 2010 AF

3.3.1

Daar word aanbeveel dat skole voortaan slegs buitengewone gevalle of versoeke om vakveranderinge op graad 12-vlak oorweeg.

3.3.2

'n Maksimum van een vak ALLEENLIK kan verander word

3.3.3

Alle aansoeke om vakveranderinge moet aanlyn op SOBIS gedoen word voor 31 Januarie.

3.3.4

Die Onderwysdistrik sal al die aansoeke om vakveranderinge teen 15 Februarie aanbeveel.

3.3.5

Alle vakveranderinge sal elektronies goedgekeur word deur Hoofkantoor.

4.	Wanneer die Onderwysdistrikskantoor of Hoofkantoor 'n vakverandering goedgekeur het, sal SOBIS outomaties bygewerk word en 'n e-pos sal aan die skool gestuur word.

5.	In buitengewone gevalle, wanneer 'n versoek om meer as twee vakveranderinge in graad 11 en meer as een vakverandering in graad 12 ontvang word, moet die skool die versoek om die vakveranderinge deur die Onderwysdistrik aan Hoofkantoor voorlê vir goedkeuring.

6.	Prinsipale word ernstig versoek om seker te maak dat alle leerders korrek op SOBIS geregistreer is.

7.	Onderwysdistriksbamptes en prinsipale word versoek om die inhoud van hierdie assesseringsminuut onder die aandag van hulle personeel, ouers en leerders te bring.

GETEKEN: T SINGH
HOOF: ONDERWYS
DATUM: 2009:11:12