1. Hierdie minuut moet saamgelees word met Omsendbrief 0049/2008, van 8 Desember 2008, wat nasionale Senior Sertifikaat-kandidate (NSS-kandidate) ingelig het aangaande die voorgeskrewe letterkunde wat van November 2009 tot Maart 2012 geëksamineer sal word.
2. Die vraestelle vir Huistaal Vraestel 2 en Eerste Taal Vraestel 2 vir al 11 amptelike tale vir die 2009 NSS-eksamens sal vir die eerste keer in 2009 deur die nasionale Departement van Onderwys opgestel word. Dit beteken dat die Huistaal en Eerste Addisionele Taal Letterkunde vraestelle (Vraestel 2) vir NSS deeltydse kandidate en kandidate wat graad 12 herhaal in 2009 dieselfde vraestel sal wees as dié wat deur die NSS se voltydse kandidate in 2009 geskryf sal word.
3. Alle deeltydse kandidate en kandidate wat die graad 12 Letterkunde-eksamen (Vraestel 2) in 2009 herhaal, moet vrae beantwoord oor die voorgeskrewe werke vir 2009 wat nasionaal voorgeskryf is, soos aangedui in Omsendbrief 0049/2008.
4. In die geval van Tweede Addisionele Tale (TAT's) sal die provinsiale eksaminators van die Wes-Kaap Onderwysdepartement (WKOD) die letterkunde vraestelle vir die WKOD-kandidate opstel, aangesien die voorgeskrewe werke wat vir TAT Letterkunde voorgeskryf is van provinsie tot provinsie verskil. Die voorgeskrewe werke vir Tweede Addisionele Tale is gelys in Bylae H van Omsendbrief 0049/2008.
5. Skoolhoofde word vriendelik versoek om te verseker dat alle deeltydse kandidate, en kandidate wat graad 12 herhaal sowel as die betrokke onderwysers ingelig word aangaande die inhoud van hierdie minuut, sodat kandidate ooreenkomstig kan voorberei vir die 2009 NSS se letterkunde-eksamen.


GETEKEN: T SINGH
HOOF: ONDERWYS
DATUM: 2009:07:30