| 1. |
Die aangehegte rooster vir die BOOV-vlak 4-eksamen in Oktober/November 2009 is van die nasionale Departement van Onderwys ontvang. Die eksamen sal op 26 Oktober 2009 'n aanvang neem en op 13 November 2009 ten einde loop. Elke leerarea sal van 14:00 tot 17:00 geskryf word. Aangesien hierdie assessering `n nasionale proses is, is die datums en tye landswyd van toepassing en geen afwyking van die rooster kan toegelaat word nie. |
| 2. |
Soos in die verlede sal die eksamenproses deur distriks- en Hoofkantooramptenare en UMALUSI-verteenwoordigers gemonitor word. |
| 3. |
Indien die assessering op die perseel van `n hoofstroomskool plaasvind, moet die sentrumbestuurder vooraf reëlings tref vir die gebruik van die kluis, die administrasiegebou, klaskamers, ablusiegeriewe, ens. |
| 4. |
Bestuurders van gemeenskapsleersentrums moet seker maak dat hulle hoofopsieners en opsieners goed opgelei en bevoeg is om die administrasie van die eksamen te behartig. |
| 5. |
Dit is die verantwoordelikheid van die sentrumbestuurder om administratiewe sake te bestuur. Die sentrumbestuurders moet dus voor die aanvang en aan die einde van elke assesseringsessie by die eksamensentrums wees. |
| 6. |
Geen persoon mag die eksamenlokaal binnegaan tensy hy of sy 'n wettige toelatingsbrief en bewys van identifikasie getoon het nie. |
| 7. |
Sentrumbestuurders word ook versoek om: |
| 7.1 |
so gou as moontlik die rooster aan al hulle opvoeders en kandidate beskikbaar te stel sodat hulle hulle finale reëlings vir die eksamen kan tref; |
| 7.2 |
al hulle kandidate daaraan te herinner dat hulle identiteitsdokumente en toelatingsbriewe voor die aanvang van elke assesseringsessie getoon moet word; |
| 7.3 |
namens die Wes-Kaap Onderwysdepartement al hulle kandidate voorspoed met die assessering toe te wens. |
| 8. |
Bestuurders van gemeenskapsleersentrums word vriendelik versoek om die inhoud van hierdie minuut onder die aandag van personeel en leerders te bring. |
GETEKEN: T SINGH
HOOF: ONDERWYS
DATUM: 2009:08:05
|