| 1.1 |
Hierdie Assesseringbestuursminuut dien om sommige van die implikasies van Omsendbrief 0018/2009 toe te lig.
|
| 1.2 |
Die Raad van Onderwysministers (ROM) het die implementering van die nuwe AOO-vorderings- en bevorderingsvereistes goedgekeur met ingang van 2009. Hierdie besluit is dus wetlik en bindend op alle skole.
|
| 1.3 |
Die huidige AOO-assesseringsbeleid (Staatskoerant 29626 van 2007) word tans hersien ten einde die nuwe vorderings- en bevorderingsvereistes in te sluit.
|
| 1.4 |
In graad 1 - 8 is die beginsel van vordering steeds van toepassing. In graad 9 word 'n leerder bevorder op grond van sy of haar opgetekende prestasie in die assesseringstake.
|
| 2. |
VORDERING IN GRAAD 1 - 8
|
| 2.1 |
Die nasionale vorderingsvereistes neergelê in Omsendbrief 0018/2009 verskaf duidelike leiding aan onderwysers oor hoe om leerderprestasie deur die jaar te evalueer en finale beslissings rakende die vordering van 'n leerder te maak.
|
| 2.2 |
Al die aangeduide leerareas is verpligtend in graad 1 - 8 en alle leerders moet al die skoolgebaseerde assesserings (SGA's) vir al die leerareas voltooi.
|
| 2.3 |
Ingevolge Staatskoerant 29626 van 2007 moet alle leerders in graad 1 - 8, ideaal gesien, saam met hulle ouderdomsgroep vorder, en hierdie praktyk sal steeds voortgesit word met die implementering van die nuwe vorderings- en bevorderingsvereistes. Enige besluit oor vordering moet gebaseer wees op die bewyse van 'n leerder se prestasie teenoor die opgetekende assesseringstake.
|
| 2.4 |
Geen leerder moet in dieselfde fase bly vir langer as vier jaar (of vyf jaar in die geval van die Grondslagfase waar graad R aangebied word), tensy die provinsiale Onderwyshoof goedkeuring gebaseer op spesifieke omstandighede en professionele advies verleen het.
|
| 2.5 |
Waar 'n leerder meer tyd benodig om prestasie te demonstreer, moet besluite gebaseer word op die advies van die toepaslike rolspelers: onderwysers, leerders, ouers en onderwysondersteuningsdienste (OOD)
|
| 2.6 |
Vroeë identifikasie van bedreigde leerders is noodsaaklik en intervensiestrategieë moet so gou as moontlik geïmplementeer word.
|
| 3. |
BEVORDERING OP GRAAD 9-VLAK
|
| 3.1 |
Bevordering vind slegs plaas op graad 9-vlak in die Algemene-onderwys-en-opleidings- (AOO-) band.
|
| 3.2 |
Al agt leerareas is verpligtend en alle leerders moet al die skoolgebaseerde assesserings (SGA's) en die eksterne assesseringskomponente vir al die leerareas voltooi.
|
| 3.3 |
Ten einde vanaf graad 9 bevorder te word, moet 'n leerder ten minste die volgende bereik:
| a) | Huistaal of TvLO | 4 (50 - 59%) |
| b) | Leerarea 2 | 4 (50 - 59%) |
| c) | Leerarea 3 | 4 (50 - 59%) |
| d) | Leerarea 4 | 3 (40 - 49%) |
| e) | Leerarea 5 | 3 (40 - 49%) |
| f) | Leerarea 6 (Wiskunde) | 3 (40 - 49%) |
Let wel: 'n Leerder kan onder 40% in leerareas 7 en 8 behaal en nogtans bevorder word, op voorwaarde dat aan die bogemelde bevorderingsvereistes in die ses leerareas voldoen word.
|
| 3.4 |
Die afdeling oor die beleid aangaande konsessies en vrystellings word tans ontwikkel deur die Inklusiewe Onderwyseenheid van die nasionale Departement van Onderwys.
Tale tel as 'n enkele leerarea vir bevorderingsvereistes. Daarom moet slegs EEN van die tale wat aangebied word vir bevorderingsdoeleindes in aanmerking geneem word.
|
| 4.1 |
Die TvLO verwys na die taal van leer en onderrig wat van toepassing is op 'n leerder by 'n spesifieke skool. Die volgende scenario's word voorsien om helderheid te bring oor die vordering- en bevorderingsvereistes vir die Huistaal en TvLO:
| No | Scenario | TvLO van skool | Grondslagfase | Intermediêre Fase | Senior Fase |
| 4.1.1 | Leeder bied Engels HT en Afrikaans Eerste Addisionele Taal aan | Engels | Leerder moet 'n aanslagkode van 3 in Geletterdheid behaal. | Leerder moet 'n aanslagkode van 3 in Engels HT behaal. | Leerder moet 'n aanslagkode van 4 in Engels HT behaal. |
| 4.1.2 | Leerder bied Engels HT en Afrikaans HT aan | Afrikaans | Leerder moet 'n aanslagkode van 3 in Geletterdheid behaal. | Leerder moet 'n aanslagkode van 3 g Kode 3 in óf Engels of Afrikaans behaal, aangesien hulle albei op HT-vlak is. | Leerder moet 'n aanslagkode van 4 in óf Engels of Afrikaans behaal, aan-gesien hulle albei op HT-vlak is. |
| 4.1.3 | Leerder bied Xhosa HT en Engels Eerste Addisionele Taal aan | Engels | Leerder moet 'n aanslagkode van 3 in Geletterdheid behaal. | Leerder moet 'n aanslagkode van 3 in óf Xhosa óf Engels EAT behaal. | Leerder moet 'n aanslagkode van 4 in óf Xhosa HT óf Engels EAT behaal. |
|
| 4.2 |
In die geval van skole wat parallelmediumonderrig aanbied, moet die TvLO van die leerder vir bevorderingsdoeleindes in oorweging geneem word.
|
| 5. |
REKORDHOUDING EN VERSLAGDOENING
|
| 5.1 |
Graad 1 - 8 sal dieselfde nasienskedule gebruik soos uitgestuur deur die Wes-Kaap Onderwysdepartement in Omsendbrief 0049/2007.
|
| 5.2 |
Graad 9 sal voortgaan met hulle beplande formele program van assessering in die derde kwartaal.
|
| 5.3 |
GTA: Afdeling A en Afdeling B sal afgeneem word gedurende die vierde kwartaal in 2009.
|
| 5.4 |
Vir 2009 sal GTA: Afdeling A en skoolgebaseerde assessering (SGA) 75% van die totale bevorderingspunt vir graad 9 in elke leerarea uitmaak. Die GTA: Afdeling A sal verantwoordelik wees vir 10% en die skoolgebaseerde assessering vir 65% van die finale punt.
|
| 5.5 |
Afdeling B van die GTA sal dus 25% van die finale bevorderingspunt per leerarea tel.
|
| 5.6 |
Hersiene elektroniese weergawes van die graad 9-nasienskedule sal gedurende die derde kwartaal aan alle skole beskikbaar gestel word. Die hersiene skedule sal rekening hou met bogenoemde veranderinge.
|
| 6. |
Let asseblief daarop dat skole vanaf 2010 Afdeling A van die GTA gedurende die tweede kwartaal en Afdeling B gedurende die vierde kwartaal sal moet afneem.
|
| 7. |
Bring asseblief die inhoud van hierdie minuut onder die aandag van alle opvoeders, ouers en betrokkenes.
|
GETEKEN: T SINGH
HOOF: ONDERWYS
DATUM: 2009:07:02
|