| 1.1 |
Die Grondslae-vir-Leerveldtog is 'n vierjaarveldtog wat toegespits is op die skep van 'n nasionale fokus op die verbetering van die lees-, skryf- en gesyferdheids-vermoëns van Suid-Afrikaanse kinders.
|
| 1.2 |
'n Sleutelelement van die veldtog is die voorsiening van nasionaalopgestelde gestandaardiseerde assesserings vir geletterdheid en gesyferdheid.
|
| 1.3 |
Hierdie assesserings word jaarliks afgeneem van graad 1 tot 6. Die assesserings het in 2008 begin en sal tot 2011 afgeneem word.
|
| 2. |
RASIONAAL VIR DIE JAARLIKSE ASSESSERINGS
|
| 2.1 |
Die assesserings is toegespits op:
|
| 2.1.1 |
die voorsiening aan skole van modelassesseringsinstrumente vir die ontwikkeling van gehalte-assesseringstake op skoolvlak, en
|
| 2.1.2 |
die skep van betroubare data wat gebruik kan word vir die ontwikkeling van toepaslike ondersteuningsprogramme vir skole in verskillende kontekste en op verskillende prestasievlakke.
|
| 2.2 |
Die Grondslae-vir-leerassesserings sal in ooreenstemming gebring word met die "mylpale" en sal fokus op die assessering van kritieke vaardighede in geletterdheid en gesyferdheid.
|
| 3. |
NASIONALE ASSESSERINGS
|
| 3.1 |
Die nasionale assesserings vir 2009 is geskeduleer vir 2 - 6 November 2009 en moet geskryf word deur alle leerders in graad 1 tot 6 oor al die provinsies heen.
|
| 3.2 |
Die nasionale Departement van Onderwys (DvO) sal die gestandaardiseerde toetse vir geletterdheid en gesyferdhied (graad 1 tot 3) en vir wiskunde en tale (graad 4 tot 6) opstel. Die toetse sal voorsien word in die skool se taal van leer en onderrig.
|
| 3.3 |
Een stel toetse en memorandums sal via die onderwysdistrikskantore aan elke skool in beide hardekopie- en elektroniese (CD-) formaat voorsien word. Skole sal afskrifte van die toetse vir hulle leerders moet maak, en Onderwysdistrikte word versoek om te verseker dat alle skole voldoende kopieë vir hulle leerders het.
|
| 3.4 |
Die DvO sal die memorandums wat vir die nasien van die gestandaardiseerde toetse benodig word, voorsien.
|
| 3.5 |
Dit is die verantwoordelikheid van die prinsipaal om te verseker dat onderwysers hulle asesseringsprogramme so aanpas dat hulle die administrasie en nasien van hierdie gestandaardiseerde toetse, asook die optekening van die punte, daarby insluit.
|
| 3.6 |
Die uitslae van hierdie assesserings moet vasgelê word as slegs EEN van die formele take van assessering vir graad 1 tot 6, en moet saam met ander formeelopgetekende uitslae gebruik word om die vordering van leerders te bepaal.
|
| 4.1 |
Die WKOD versoek alle prinsipale, skoolbeheerspanne, onderwysers en skoolbeheerliggame om hierdie veldtog te ondersteun.
|
| 4.2 |
Die doelwit dat elke leerder by elke skool teen 2011 minstens 50% in geletterdheid/wiskunde moet behaal, kan slegs bereik word as al die betrokke rolspelers met oorgawe saamwerk om die vlakke van geletterheid en gesyferdheid by ons leerders te verbeter.
|
| 4.3 |
Verdere besonderhede rakende die nasienproses, die vaslegging van die punte en die indien van die skedules aan die onderwysdistrikskantore sal u binnekort bereik.
|
| 5. |
Maak asseblief seker dat alle onderwysers en ouers in kennis gestel word van die inhoud van hierdie minuut.
|
GETEKEN: T SINGH
HOOF: ONDERWYS
DATUM: 2009:07:14
|