1. Hierdie Asssseringsminuut dien as 'n wysiging van Assesseringsbestuursminuut 0007/2009 en Eksamen- en Assesseringsminuut 0001/2009.
2. Die Wes-Kaap Onderwysdepartement (WKOD) het vele oproepe ontvang van skoolhoofde wat aangedui het dat die skryf van Afdeling A van die gemeenskaplike assesseringstake (GTA's) in kwartaal 3 van 2009 baie probleme gaan veroorsaak, aangesien hulle skoolprogramme vir die derde kwartaal alreeds bepaal is en aan leerders en ouers oorgedra is.
3. Verder het die WKOD tot op hede nog nie die volle pak GTA's van die nasionale Departement van Onderwys (DvO) ontvang nie.
4. 'n Besluit is nou geneem binne die WKOD dat Afdeling A van die GTA's in die vierde kwartaal van 2009 geskryf sal word, soos in vorige jare die geval was.
5. Afdeling B van die GTA's sal ook in die vierde kwartaal geskryf word, ooreenkomstig 'n verpligte rooster wat deur die DvO opgestel is. Die voorgestelde datums vir die skryf van Afdeling B is van 16 - 30 November 2009.
6. Volgens die DvO sal Afdeling A van die GTA's vanaf 2010 in die tweede kwartaal afgeneem word.
7. Onderwysdistrikte, kurrikulumbestuurders en prinsipale word vriendelik versoek om die inhoud van hierdie minuut onder die aandag van alle belanghebbendes te bring.


GETEKEN: TINA SINGH
HOOF: ONDERWYS
DATUM: 2009:05:21