1. Inleiding

Die bestuur en afneem van skoolgebaseerde assessering is bepaal in die Regulasies vir die Afneem, Administrasie en Bestuur van Assessering vir die Nasionale Senior Sertifikaat-eksamen (Staatskoerant nr.31337, Augustus 2008).

2. Algemene vereistes vir skoolgebaseerde assessering
2.1 'n Skoolgebaseerde assesserings- (SGA-) punt is 'n verpligte komponent van die finale bevorderingspunt vir alle kandidate wat vir die Nasionale Senior Sertifikaat geregistreer is.
2.2 Daar word van elke leerder verwag om 'n portefeulje saam te stel van getuienis wat prestasie in skoolgebaseerde assessering demonstreer. 'n Afsonderlike portefeulje moet vir elke vak saamgestel word en punte wat aan die leerder toegeken word, maak 25% van die finale bevorderingspunt uit.
2.3 In die geval van Lewensoriëntering word die finale bevorderingspunt gebaseer slegs op skoolgebaseerde assessering.
2.4 Daar word van onderwysers verlang om 'n formele program van assessering vir elke vak en graad te ontwikkel.
2.5 Die samestelling van die SGA vir alle vakke word uiteengesit in die onderskeie Vakassesseringsriglyne.

3. Samestelling van die SGA-punt
3.1 Die onderwyser se portefeulje van assessering moet 'n volledige verslag wees van assessering in die vak en moet deur die onderwyser bygehou word vir elke vak wat met betrekking tot die Nasionale Senior Sertifikaat onderrig word. Hierdie portefeuljes sal deur die loop van die jaar op verskillende vlakke (skool, kluster, provinsie en nasionaal) gemodereer word.
3.2 Versuim deur die onderwyser om 'n portefeulje van assessering by te hou en al die assesseringstake soos uiteengesit in die Vakassesseringsriglyn uit te voer, sal geag word 'n daad van wangedrag te wees en sal gehanteer word ingevolge die Wet op die Indiensneming van Opvoeders, Wet 76 van 1998.
3.3 Die afwesigheid van die SGA-punt in enige vak, sonder 'n geldige rede, kan daartoe lei dat die kandidaat wat vir daardie spesifieke vak geregistreer is, 'n onvolledige uitslag kry.
3.4 In 'n geval waar 'n kandidaat nie voldoen aan die vereistes van SGA nie, maar 'n geldige rede voorsien word, moet daar op die volgende gelet word:
3.4.1 Die kandidaat kan nog 'n geleentheid gegee word om in die loop van die jaar in die bepaalde taak/take geassesseer te word;
3.4.2 Waar 'n kandidaat 'n onvolledige uitslag het, moet die kandidaat binne drie kalendermaande na die vrystelling van die eksamenuitslae die uitstaande werk indien of hom- of haarself aanmeld vir skoolgebaseerde assessering;
3.4.3 Die skoolhoof moet seker maak dat die assessering geloofwaardig is;
3.4.4 Die assesseringstake moet op distriksvlak gemodereer word.
3.5 Geldige redes in hierdie konteks sluit die volgende in:
3.5.1 Siekte, gestaaf deur 'n mediese sertifikaat uitgereik deur 'n geregistreerde mediese praktisyn;
3.5.2 Humanitêre redes, wat insluit die dood van 'n nabye familiebetrekking, gestaaf deur 'n sterftesertifikaat;
3.5.3 Verskyning in die hof deur die kandidaat, gestaaf deur skriftelike bewyse;
3.5.4 Enige ander rede wat die Hoof: Onderwys of sy of haar verteenwoordiger as geldig mag aanvaar.
3.6 In die geval van 'n kandidaat wat versuim om te voldoen aan die SGA-vereistes van 'n spesifieke vak en waar geldige redes verskaf word, moet die bewyse vir sodanige geldige redes ingesluit word by die bewyse van leerderprestasie vir die supplementêre geleentheid.

4. Uitstaande punte
4.1 In 'n geval waar 'n kandidaat afwesig is by 'n eksamen of nie die SGA voltooi het nie en 'n geldige rede verskaf het, moet die kode 999 op die punteblad aangebring word, en waar 'n kandidaat afwesig is by 'n eksamen of nie die SBA voltooi het nie, en nie 'n geldige rede verskaf het nie, moet die kode 444 op die punteblad aangebring word.
4.2 Waar die kandidaat om geldige redes afwesig was, moet die uitstaande assesseringstake binne die vasgestelde tydperk van drie maande ingedien word.

5. Raklewe van DASS

Die skoolgebaseerde assesseringspunt wat 'n kandidaat wat herhaal in sy of haar laaste Nasionale Senior Sertifikaat-eksamen behaal het, sal geldig wees vir 'n tydperk van drie jaar.

6. Samevatting
Prinsipale word vriendelik versoek om die inhoud van hierdie minuut onder die aandag van die betrokke onderwysers, leerders en ouers te bring.


GETEKEN: T SINGH
HOOF: ONDERWYS
DATUM: 2009:03:30


"Regulasies vir die Afneem, Administrasie en Bestuur van Assessering vir die Nasionale Senior Sertifikaat-eksamen" (Staatskoerant nr. 31337, Augustus 2008)
 
Volledige dokument  (grootte: 2 212 KB)
of
  Dokument sonder bylaes  (grootte: 773 KB)
  Bylae A - N  (grootte: 660 KB)
  Bylae M - O  (grootte: 695 KB)