1. |
ICandelo loQinisekiso lweMigangatho linoxanduva lokuququzelela zonke iisistim zokulawulwa kwemigangatho kwiSebe i-WCED. Eli Candelo lilo emaliqinisekise ukuba zonke ezi sistim ziyasebenza nokuba zonke ezi sistim ziphunyezwa ngempumelelo, ngendlela eyiyo nangokukhawuleza.
|
2. |
Injongo yale Ngcaciso iMfutshane yeCandelo loQinisekiso lweMigangatho 0007/2008 kukukhumbuza bonke ootitshala namagosa ezithili ngezinto emazenziwe ngokweKhalenda ye-IQMS yooTitshala ka-2008.
|
3. |
UKULINGANISWA KWENTSEBENZO
|
3.1 |
Bayakhunjuzwa bonke ootitshala ukuba, ngokweKhalenda yooTitshala ye-IQMS ka-2008, uvavanyo oluquphayo (summative evaluation) luqala ngo-Agasti 2008 kwaye lumele ukugqitywa phambi kwe-31 Oktobha 2008.
|
3.2 |
Iinqununu neeSDT ziyakhunjuzwa ukuba yonke imisebenzi yokumodareyitha nezolawulo apho esikolweni ngokumalunga namanqaku ovavanyo oluquphayo alowo nalowo titshala imele ukugqitywa phambikwe-14 Novemba 2008.
|
3.3 |
Inqununu neCEO yeziko ngalinye eliphantsi kolawulo lweSebe i-WCED luphezu kwamagxa ayo uxanduva lokuqinisekisa ukuba ayangeniswa amanqaku ovavanyo oluquphayo abo bonke ootitshala abakwiziko elo abahlawulwa liSebe i-WCED.
|
3.5 |
Inqununu inoxanduva lokumodareyitha amanqaku ovavanyo oluquphayo ootitshala apho esikolweni.
|
3.6 |
Ziyakhunjuzwa iinqununu ukuba inkqubo yokumodareyitha kwimeko ye-IQMS yinkqubo yokungqinisisa ukunyaniseka kwamanqaku afunyenweyo ngokuwathelekisa nemigangatho yentsebenzo, iinkqubo nemigaqo emiselweyo kwiMvumelwano 8 ka-2003, 4 no-5 ka-2005 yeBhunga lezeMfundo lezoBudlelwane eMisebenzini (ELRC). Injongo yezi nkqubo imele ibe kukuqinisekisa ukuba iinkqubo nemigaqo, njengoko ziqulethwe kwiMvumelwano neMibutho yaBasebenzi, kungqinelwana nazo ngokupheleleyo.
|
3.7 |
Umcebisi we-IMG unoxanduva lokumodareyitha amanqaku esampula ootitshala ezikolweni kwisekethe iphela. Umphathi wekomiti yesekethe unoxanduva lokumodareyitha amanqaku azo zonke iinqununu kwisekethe iphela.
|
3.8 |
Ziyacelwa iinqununu ukuba zisebenzisane naBaququzeleli be-IQMS kwii-ofisi zezithili zemfundo, njengoko beya kwenza amalungiselela nazo zonke izikolo ezikwi-ofisi yesithili semfundo okuqokelela amaxwebhu ayimfuneko ovavanyo oluquphayo (summative evaluation) ngo-2008. ICandelo loQinisekiso lweMigangatho liya kunxibelelana ngqo neekholeji zeFET ngokumalunga noku.
|
3.9 |
ISebe leMfundo likazwelonke likubeka esweni ukuphunyezwa kwe-IQMS ngokungqinelana neeMvumelwano neMibutho yaBasebenzi. Ukwenzela ukuqinisekisa ukuba konke oku kubekwe esweni ngendlela eyiyo nokuqinisekisa ukuba kuyangqinelwana nayo yonke imigqaliselo ngethuba lokuphunyezwa kwe-IQMS, iSebe leMfundo likazwelonke (DoE) liqeshe iimodareyitha zangaphandle kuwo onke amaphondo.
|
3.11 |
Ikomiti yokumodareyitha yangaphandle ekwiphondo yenziwa ngumphathi weprojekthi omnye noya kulawula imisebenzi yeemodareyitha ezine eziya kwenza utyelelo kwizikolo ezahluka-hlukeneyo kweli phondo.
|
3.12 |
Umphathi weeprojekthi uya kwazisa izikolo kwangaphambi ngotyelelo esikolweni ekuza kuyiwa kuso yaye uya kunika izikolo uluhlu lwamaxwebhu ayimfuneko, ekufuneka isikolo siwangenise.
|
3.13 |
Kufuneka iimodareyitha ziqinisekise umgangatho kuzo zonke iinkqubo nemigaqo, njengoko ziqulethwe kwiMvumelwano 8 ka-2003 ye-ELRC. Iinqununu zazo zonke izikolo nee-ofisi zezithili zemfundo kulindeleke ukuba zisebenzisane neemodareyitha kwaye zizinike amaxwebhu afanelekileyo ukuze ziwaphicothisise xa aye acelwa.
|
4. |
IZICWANGCISO ZOKUPHUCULWA KWEZIKOLO
|
4.1 |
Ziyacelwa zonke izikolo ukuba zenze isiCwangciso soPhuhliso lweSikolo (School Improvement Plan) (SIP) sika-2009 ngokungqinelana neeNkalo ezili-9 ekuGxilwe kuzo. Zonke izikolo ke ngoko ziya kunyanzeleka ukuba zenze inkqubo yokuZivavanya kweSikolo ngoKwaso (School Self-Evaluation) (SSE) njengengxam yenkqubo yokuqokelela idatha nengcaciso yokwenene yokubhala iSIP.
|
4.2 |
Umququzeleli we-IQMS uya kunika zonke izikolo kwizithili ngezithili zemfundo ithempleyithi apho kuya kuzaliswa khona iSIP. Zonke izikolo mazisebenzise ithempleyithi efanayo.
|
4.3 |
Zonke izikolo zaseprayimari mazingenise iSIP ungadlulanga owe-28 Novemba 2008 uze umhla wokungeniswa kwayo zizikolo eziphakamileyo ube yi-30 Januwari 2009.
|
4.4 |
I-SIP luxwebhu olubonisa injongo yokuza kwenziwa sisikolo. IKomiti yeSekethe mayixhase isikolo eso ukuze sifikelele kwiinjongo neethagethi ezikwiSIP. Bonke abachaphazelekayo (stakeholders) kufanele ke ngoko bavumelane ngeeprogram zophuhliso ezikwiSIP.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2008:08:07
|