| 1. |
Esi saziso simalunga ne-PMDS kootitshala abasezi-ofisini abasisigxina, abasekondiweyo, nabaqeshwe ngemvumelwano. Kucingelwa ukuba iingxoxo zokuhlolwa kwentsebenzo zaqhutywa kwikota nganye ngethuba lomjikelo we-01 Apreli 2007 ukuya kwi-31 Matshi 2008.
|
| 2. |
Abaphathi neesuphavayiza bayakhunjuzwa kwakhona ukuba, kumjikelo ophela nge-31 Matshi 2008, isiCwangciso soMsebenzi neZiphiwo zoMntu (Work Plan and Capabilities) into nganye iya kuba namanqaku ayi-50 ukuvumela iyantlukwano (differentiation). Amanqaku apheleleyo aya kuthathelwa kwitotali engu-100.
|
| 3. |
Makuqatshelwe ukuba amanqaku aphezulu eZiphiwo zoMntu (Capabilities) akanakunikwa ukuba iithagethi kwisiCwangciso soMsebenzi (Work Plan) azifikelelwanga.
|
| 4. |
Kufuneka amanqaku ayi-50% ewonke ukuze umntu afaneleke ukufumana uchatha oyi-1% kumvuzo (pay progression). Oku kuya kwenza amanqaku ootitshala abasezi-ofisini angqinelane nawootitshala abasezikolweni.
|
| 5. |
Kufuneka amanqaku ayi-75% ewonke kwiminyaka emi-3 elandelelanayo, ukuze umntu afaneleke ukufumana uchatha okhawulezileyo womvuzo.
|
| 6. |
Ziyakhunjuzwa kwakhona iisuphavayiza ukuba amanqaku kufuneka amodareyithwe aze asayinwe ngabaphathi. Kucelwa ukuba ujonge kwiSikhokelo sokuModareyitha (Moderation Guidelines) nakwezi thempleyithi zamanqaku ziqhotyoshelweyo.
|
| 7. |
Amanqaku omjikelo ka-2007/2008 makangeniswe kwiCandelo loLawulo lweMigangatho (Directorate: Quality Assurance) ungadlulanga owe-18 Apreli 2007. Ulawulo lwe-PMDS luya kugqithiselwa kwiCandelo loLawulo loPhuhliso lweZakhono zoLuntu lwangaPhakathi xa iNtloko yeSebe leMfundo ivuma ukuba mayenziwe le nguqu ibangelwe yinkqubo yohlenga-hlengiso.
|
| 8. |
Ikopi yale khalenda ye-PMDS yomjikelo ka-2007/2008 noka-2008/2009, iya kunikwa bonke abaphathi, iisuphavayiza nootitshala abasezi-ofisini.
|
| 9. |
Kucelwa wazise okubhalwe kule ngcaciso imfutshane abaqeshwa abachaphazelekayo.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2008:03:28
|