1. |
ISistim yoLawulo lweNgcaciso yezeMfundo (Education Management Information System) (EMIS) eMzantsi Afrika kufuneka iqokelele, ilungise ize isasaze idatha engemfundo yezikolo ukwenzela ukuba kujongwe ukusebenza kwenkqubo yemfundo, kubekwe esweni ukuphunyezwa kwemigaqo-nkqubo, kuqinisekiswe ulwabiwo ngokulinganayo kwezibonelelo (equitable distribution of resources) nokulandelela ukulungiswa kokungalingani kwexesha eligqithileyo (redress of previous inequalities).
|
2. |
UMphathiswa weMfundo kuzwelonke uyalele ukuba ukususela nge-18 Julayi 2008 kwenziwe isaveyi yeMathematika neFizikhali Sayensi kuwo onke amaphondo ukubonisa imeko ekuyiyo ezikolweni.
|
3. |
Le saveyi kufuneka yenziwe kuzo zonke izikolo eziqhelekileyo, ezikarhulumente nezizimeleyo, ezifundisa nawo nawaphi na okanye onke la maBakala 10, 11 no-12.
|
4. |
NgokoMthetho weZikolo waseMzantsi Afrika, uMthetho 84 ka-1996, isahluko 7, iSiqendu 59 (2) "Ngasinye isikolo masinike ingcaciso ngokumalunga nesikolo njengoko inokufunwa ngokufanelekileyo yiNtloko yeSebe leMfundo."
Imfuno yokungqinisisa ingcaciso isusela kuMthetho oFakela iziLungiso kwiMithetho yeMfundo, ka-2007, (The Education Laws Amendment Act, 2007), ngokufakelwa kweSiqendu 16A kuMthetho 84 ka-1996, iSiqendu 16A, 2(g): "… INqununu mayinike idatha echanekileyo iNtloko yeSebe leMfundo xa iye yacelwa ukuba yenjenjalo."
|
5. |
Kwiphondo leNtshona Koloni le saveyi iya kwenziwa kwikhompyutha ngeCEMIS. Izikrini ekufakwa kuzo iinkcukacha (capture screens) sezenziwe kwiCEMIS nezivumela ukuba kufakwe iinkcukacha ezifunwa yisaveyi.
|
6. |
Zizikolo zikarhulumente ezingama-352 nezikolo ezizimeleyo ezingama-71 emazizalise le saveyi nekufuneka zenze oku kulandelayo:
|
6.1 |
Logisha kwiCEMIS. Kukho umyalezo kwesinye sezikrini zokuvula ocebisa omakwenziwe.
|
6.2 |
Yisa ikhesa yakho kule ayithem yemenyu "Surveys" kwiCEMIS uklikhe ku-"Maths and Physical Science/Capture Screens".
- Bhala ngoonobumba abakhulu (usebenzise iphepha i-LANDSCAPE) kwiphepha ngalinye lamaphepha eesaveyi ulinike inqununu. Inqununu isengawudlulisela komnye lo msebenzi wokuzalisa le saveyi, kodwa yiyo ethwele uxanduva lokuchaneka kwedatha enikiweyo.
- Inqununu mayisayine amaphepha azalisiweyo, nekufuneka efakwe kwikhompyutha ngumsebenzi wesikolo ofaka iinkcukacha kwiCEMIS.
- Le datha mayifakwe ngokuchanekile kwiCEMIS.
- Umsebenzi ofaka iinkcukacha kwikhompyutha makaprinte amaphepha ekhompyutha esaveyi azalisiweyo, awanike inqununu ukuze iwasayine ize ifayilishe apho esikolweni amaphepha entsusa (original pages) namaphepha aprintiweyo, njengoko angafuneka ukulungiselela iinjongo zokubalwa.
- Makuzaliswe iphepha LOKUBONISA UKUBA UGQIBILE (SIGN OFF) kwiCEMIS. Umhla obonisa ukuba ugqibile uya kuboniswa ecaleni kwecandelo ngalinye lesaveyi.
- Makuzaliswe isaveyi yekhompyutha engeniswayo.
|
7. |
Le saveyi mayifakwe kwikhompyutha sekusondele kakhulu owe-18 Julayi 2008 kangangoko kunokwenzeka. Inkqubela enxulumene nokuzaliswa kwesaveyi ekhompyutheni iya kubekwa esweni, njengoko le datha kufuneka ingeniswe kwiSebe leMfundo likazwelonke ukuze kube nokungeniswa iingxelo kuMphathiswa weMfundo kazwelonke.
|
8. |
Ziyabulelwa kusekwangoku iinqununu namagosa ngokungenisa kwazo isaveyi yekhompyutha yeMathematika neFizikhali Sayensi yezikolo zazo engadlulanga owama-31 Julayi 2008.
|
9. |
Iya kuthakazelelwa kakhulu intsebenziswano yakho ekulawuleni le saveyi.
|
ISAYINWE: NGU-A. SIYENGO
INTLOKO: YESEBE LEMFUNDO
UMHLA: 2008:07:15
|