1. Le ngcaciso imfutshane mayifundwe kunye nale Setyhula 0011/2003.
2. Injongo yale ngcaciso emfutshane kukucacisa gca inkqubo eza kusetyenziswa zizikolo yaye iya kusetyenziswa ngawo onke amagosa eSebe leMfundo leNtshona Koloni (WCED) xa izikolo zikarhulumente eziqhelekileyo zisenza izicelo zezithuba ezongezelelweyo ngekota yokugqibela ka-2008 nangekota yokuqala ka-2009.
3. Izithuba ezongezelelweyo zizithuba apho zithi izikolo zikarhulumente eziqhelekileyo zenze izicelo kwiSebe iWCED, ukongeza kwinani lezithuba zootititshala ezabelwe isikolo nezikhutshelwe isikolo ngo-2008 ukulungiselela unyaka wekhalenda u-2009.

4. Zimbini iintlobo zezithuba ezongezelelweyo, ekuzezi, izithuba zokwanda kwenani lobhaliso kunye nezithuba zokwandiswa kwekharityhulam:
4.1 Isithuba sokwanda kwenani lobhaliso sisithuba apho sithi isikolo sikarhulumente esiqhelekileyo senze isicelo ngenxa yokwanda kakhulu kwenani labafundi ababhalisileyo, njengoko kuthi kuboniswe yi-CEMIS kunye nerejista yokuhamba isikolo kwabafundi yesikolo, ukususela ngoMatshi 2008 (inani labafundi ababhalisileyo besikolo ngo-2008 eliboniswa yileta yenani lezithuba zootititshala ezabelwe isikolo ngo-2009) ukuya kutsho kusuku lweshumi lwesikolo ngo-2009.
4.2 Isithuba sokwandiswa kwekharityhulam sisithuba apho sithi isikolo sikarhulumente esiqhelekileyo senze isicelo ngenxa yokwandiswa (expansion) kwekharityhulam yesikolo (ekufuneka ibe iqale yavunywa liSebe i-WCED) okanye ngenxa yayo nayiphi na enye into echaphazela ngakumbi ezemfundo (educational contextual factor) ebingathintela ukuba isikolo sikarhulumente esiqhelekileyo sifundise ikharityhulam ngempumelela nangokukuko.

5. IZITHUBA ZOKWANDA KWENANI LOBHALISO
5.1 Izicelo zezithuba zokwanda kwenani lobhaliso ziya kuqwalaselwa kuphela ngokususela kwinani labafundi ababhalisileyo kwisikolo sikarhulumente esiqhelekileyo njengoko linjalo nge-3 Februwari 2009 (usuku lweshumi lwesikolo) yaye nangokuxhomekeka ekubeni kusekho izithuba kwinani lilonke lezithuba zootitshala ezinokuhlawulelwa. Isikolo sinokwenza isicelo kuphela yakuba inqununu yesikolo isayine yaza yathumela irejista yenani lilonke lobhaliso lwabafundi ngosuku lweshumi lwesikolo ngo-2009. Kufuneka inqununu iqinisekise ukuba amanani abafundi aboniswa kwi-CEMIS ayangqinelana namanani abafundi aboniswa kwiirejista zeeklasi zokuhamba isikolo kwabafundi zika-2009 (in the learner attendance class registers of 2009). Ngokusayina irejista yamanani ewonke obhaliso lwabafundi ngosuku lweshumi lwesikolo, umphathi wekomiti yesekethe (CTM) uyatshekisha aze aqinisekise amanani ewonke obhaliso lwabafundi ngosuku lweshumi lwesikolo.
5.2 Isicelo sesithuba sokwanda kwenani lobhaliso kufuneka senziwe kwikhompyutha. Isicelo sokwanda kwenani lobhaliso esingenziwanga kwikhompyutha asiyi kuqwalaselwa yi-WCED.
5.3 Xa isikolo sifaka isicelo sesithuba sokwanda kwenani lobhaliso, akunyanzelekanga ukuba isikolo eso sinike izizathu ezixhasayo (motivation). Nakuba kunjalo, kufuneka inqununu yesikolo ingqine ukuba ikho indawo eyaneleyo nefanelekileyo efumanekayo ukulungiselela utitshala owongezelelweyo (ootitshala abongezelelweyo) kunye nabafundi abongezelelweyo.
5.4 Isikolo singenza isicelo sesithuba sokwanda kwenani lobhaliso kuphela ukuba kukho ukwanda kakhulu kubhaliso lwabafundi. Isikolo masithabathe (subtract) inani labafundi lilonke lango-2008 njengoko liboniswe kwileta yenani lootitshala elabelwe isikolo ngo-2009 (staff establishment letter), kwinani lilonke losuku lweshumi lwesikolo ngo-2009. Isikolo siya kufaneleka ukufumana isithuba sokwanda kwenani lobhaliso ukuba umahluko phakathi kwala manani mabini ubuncinane ngamashumi amathathu anesihlanu (35) kwizikolo eziziisekondari, kuze kube ngamashumi amane (40) kweziziiprayimari. Inani lezithuba zokwanda kwenani lobhaliso isikolo esifanele ukulifumana liya kubalwa ngale ndlela ilandelayo: Inani lilonke lokwanda kwenani lobhaliso liya kwahlulwa ngo-35 no-40 kwizikolo eziziisekondari neziziiprayimari ngokulandelelanayo, size isiphumo sisiwe kwelona nani lisondeleyo ukuqukumbela, 4,8 will become 4, not 5.
5.5 Isikolo esasifake isicelo saza safumana isithuba esongezelelweyo sokwandiswa kwekharityhulam (curriculum post) ngo-2008 nango-2009, asiyi kufaneleka ukufumana isithuba sokwanda kwenani lobhaliso ngo-2009, ngaphandle kokuba isikolo eso sifaneleka ukuba sifumane isithuba sokwanda kwenani lobhaliso ngo-2009 kuneso senani lokwandiswa kwekharityhulam elifunyenwe sisikolo ngo-2008 ukulungiselela u-2009. Kwimeko elolo hlobo isikolo siya kulifumana inani elingumahluko (difference).
5.6 Ukubala inani lilonke labafundi ngosuku lweshumi lwesikolo, inqununu yesikolo mayiqinisekise ukuba aba bafundi balandelayo batshintshelwa kwesinye isikolo okanye bayakhutshwa kubhaliso kwi-CEMIS baze kwangokunjalo bakhutshwe kwirejista yabafundi yokuhamba isikolo nakwirejista yokwamkelwa kwabafundi yesikolo (admission register):
5.6.1 Abafundi abasishiyileyo isikolo okanye abayeke isikolo ekupheleni kuka-2008 ngenxa yaso nasiphi na isizathu.
5.6.2 Abafundi abafumene isatifikethi sokutshintshela kwesinye isikolo esikhutshwa seso sikolo.
5.6.3 Abafundi abangayanga esikolweni ngalo naluphi na usuku kwezo ntsuku zilishumi zokuqala zonyaka wezifundo wabafundi ngo-2009.
5.7 Isicelo sokufumana isithuba sokwanda kwenani lobhaliso siya kuqwalaselwa kuphela phantsi kwale miqathango ilandelayo:
5.7.1 Isikolo asinabo ootitshala abangaphezu kwemfuneko (no educators in excess), o.k.t. isikolo asinabo ootitshala abaqeshwe isigxina abangaphezu kwenani lezithuba ekuthe ngenxa yalo kwabelwa isikolo eso inani lezithuba zango-2009.
5.7.2 Amanani ewonke abafundi besikolo ahlaziyiwe kwi-CEMIS.
5.7.3 Bonke abafundi bazifumene iindawo eziklasini kwi-CEMIS.
5.7.4 Zonke izifundo zabo bonke abafundi (ngaphandle mhlawumbi kwabafundi beBakala 10) abasesikolweni zifakiwe kwi-CEMIS.
5.8 Izikolo zikarhulumente eziqhelekileyo zinokwenza isicelo sesithuba sokwanda kwenani lobhaliso ukususela ngo-16:00 ngoLwesibini we-3 Februwari 2009 de kube ngoLwesihlanu, we-13 Februwari 2009. Akukho zicelo zifike emva kwexesha ziya kuqwalaselwa. (No late applications will be considered).

6. IZITHUBA ZOKWANDISWA KWEKHARITYHULAM (CURRICULUM POSTS)
6.1 Izicelo zezithuba zokwandiswa kwekharityhulam mazenziwe ngekhompyutha kwi-CEMIS.
6.1.1 Oku kunokwenzeka ukususela ngo-10:00 ngoMvulo, we-3 Novemba 2008 de kube ngoLwesihlawu, we-14 Novemba 2008 ngo-16:00.
6.1.2 Zonke ezi zithuba ziya kuqwalaselwa ngumlawuli wesithili ngoLwesihlanu we-21 Novemba 2008 zize ziqwalaselwe nguMlawuli oyiNtloko weZithili ngoLwesihlanu we-28 Novemba 2008.
6.1.3 Izikolo ziya kwaziswa nge-12 Disemba 2008 ngesiphumo somjikelo wokuqala wezicelo zazo zezithuba zokwandiswa kwekharityhulam.
6.1.4 Izikolo ziya kunikwa ithuba lesibini lokwenza izicelo zezithuba zokwandiswa kwekharityhulam ekuqaleni kuka-2009.
6.1.5 Izikolo zingenza izicelo ukususela ngo-08:00 ngoMvulo, we-26 Januwari 2009 de kube ngoLwesihlawu, we-13 Februwari 2009.
6.1.6 Akukho zicelo ziya kuqwalaselwa emva kweye-16:00 ngoLwesihlawu, we-13 Februwari 2009.
6.1.7 Izikolo ziya kwaziswa ngesiphumo sezicelo zazo (zomjikelo wesibini) ngoLwesibini, we-31 Matshi 2009.
6.2 Izicelo zezithuba zokwandiswa kwekharityhulam mazixhaswe zizizathu ezivokothekielyo (be fully motivated).
6.3 Isicelo esenziwa sisikolo sikarhulumente esiqhelekileyo sokwandiswa kwekharityhulam siya kuqwalaselwa kuphela phantsi kwale miqathango ilandelayo:
6.3.1 Isikolo asinabo ootitshala abangaphezu kwemfuneko (no educators in excess), o.k.t. isikolo asinabo ootitshala abaqeshwe isigxina abangaphezu kwenani lezithuba ekuthe ngenxa yalo kwabelwa isikolo eso inani lezithuba zango-2009.
6.3.2 Amanani ewonke abafundi besikolo ahlaziyiwe kwi-CEMIS kwaye ayangqinelana namanani ewonke abafundi akwiirejista zokuhamba isikolo kwabafundi (school's learner attendance registers) kwakunye nerejista yokwamkela kwabafundi yesikolo (school's admission register). Oku kufuneka kutshekishwe ngumphathi wekomiti yesekete (CTM).
6.3.3 Bonke abafundi bazifumene iindawo eziklasini kwi-CEMIS.
6.3.4 Zonke izifundo zabo bonke abafundi esikolweni zifakiwe kwi-CEMIS.
6.3.5 Inqununu yesikolo ingqinile waza nomphathi wekomiti yesekete watshekisha ukuba kukho indawo eyaneleyo nefanelekileyo yootitshala abongezelelweyo.
6.3.6 Isikolo singenise izizathu ezivokothekileyo nezixhasayo ezibonisa ukuba baya kusetyenziswa njani na ootitshala abongezelelweyo.
6.3.7 Umsebenzi wecandelwana loLawulo loLwazi neNgcaciso (Knowledge and Information Management) uvakalise ukuba yonke idatha ye-CEMIS yesikolo ihlaziywe ngokufanelekileyo, kwaye akukho phinda-phindo lwabafundi lwenzekileyo nokuba bonke abafundi ababefanele ukuba bakhutshwe kubhaliso (de-registered) okanye batshintshelwe kwezinye izikolo (transfered out) bakhutshiwe kubhaliso yaye batshintshelwe kwezinye izikolo kwangokunjalo.
6.3.8 Inqununu yesikolo ithumele nge-imeyili ezi zihlomelo, zizaliswe ngokufanelekileyo, isiHlomelo A (IShedyuli yoKwabiwa kooTitshala- Schedule of Teacher Allocation)), isiHlomelo B (IShedyuli yoKusetyenziswa kooTitshala - Schedule of Teacher Utilization) kunye nesiHlomelo C (IShedyuli yeXesha loKufundisa - Schedule of Teaching Time) kumphathi wekomiti yesekethe (CTM) wesikolo (kufuneka le dilesi ye-imeyili uyifumane kwi-CTM yakho), kumlawuli wesithili (kufuneka le dilesi ye-imeyili uyifumane kumlawuli wesithili sakho), kunye nakuMlawuli weCandelo loCwangciso lwaBasebenzi (Directorate: Human Capital Planning) (kule dilesi ye-imeyili mdelo@pgwc.gov.za okanye avmalgas@pgwc.gov.za) ezibonisa
  • ukuba baya kusetyenziswa njani na ootitshala (kubandakanywa nootitshala bezithuba ezitsha ekuthe ngenxa yazo kwangeniswa izicelo);
  • inani labafundi eliseziklasini;
  • inani lamaxesha okufundisa (periods) aya kuthi ngawo abe efundisa utitshala;
  • ubungakanani (ipesenteji) bexesha utitshala aya kuxaxeka ngalo efundisa ngalo mjikelo;
  • amabanga emfundo (qualifications) abo bonke ootitshala (kubandakanywa nootitshala abahlawulwa imivuzo yabo libhunga lolawulo lesikolo); nokuba
  • kungani na ootitshala abakhoyo ngoku bengenako ukufundisa esi sifundo (ezi zifundo) okanye le nkalo yesifundo (ezi nkalo zezifundo) ekuthi ngenxa yayo (yazo) kufunwe ootitshala abongezelelweyo.

Kuqhotyoshelwe apha kule ngcaciso imfutshane imizekelo yeeshedyuli ezizalisiweyo ukukwenzela lula.

7. ISIPHELO
7.1 Umphathi wekomiti yesekethe (CTM) makaqinisekise ukuba akukho zititshala zingaphezu kwemfuneko (in excess) kwisekethe yakhe okanye kwiisekethe ezingabamelwane ekunokusetyenziswa iinkonzo zazo ukubonelela iimfuno zesikolo esichaphazelekayo. Ukuba kukho utitshala ololu hlobo ongaphezu kwemfuneko oqatshelweyo, makwaziswe iCandelo loLawulo lwaBasebenzi lwangaPhakathi (Directorate: Internal Human Capital Administration).
7.2 Makungaze phantsi kwazo naziphi na iimeko inqununu iqeshe utitshala phambi kokufumana isaziso esibhaliweyo semvume yoko esivela kwiCandelo loLawulo lwaBasebenzi lwangaPhakathi (Directorate: Internal Human Capital Administration).
7.3 Isikolo siya kuthunyelelwa isaziso nge-imeyile sixelelwe malunga nobume besicelo saso (about the status of its application).
7.4 Inqununu yesikolo mayiqinisekise ukuba zonke iinkcukacha zabafundi (all learner detail) zihlaziyiwe kwi-CEMIS phambi kokuba isikolo sizame ukwenza isicelo sesithuba esongezelelweyo
7.5 Izikolo maziqinisekise ukuba zonke iinkcukacha zabafundi (all learner detail) (kubandakanywa nengcombolo ngezifundo -subject information included) zenziwe zagqitywa ngoLwesihlanu, we-13 Februwari 2009 ukulungiselela ithuba lokubonelelwa ngezithuba ngo- 2009. Bonke abafundi abakhutshwayo kubhaliso (de-registrations) nabatshintshelwa kwezinye izikolo (transfers out) benziwe bagqitywa ngoMvulo, we-2 Februwari 2009.
7.6 Ukuba sithi isikolo sibe nengxaki yoqhagamshelwano (connectivity problems) ngethuba sisenza isicelo sesithuba, kucelwa ukuba uqhagamshelane nomphathi wekomiti yesekethe (CTM) ukuba akuncedise.

8. Kucelwa wazise okubhalwe kule ngcaciso imfutshane bonke ootitshala, abasebenzi namalungu amabhunga olawulo ukuze bakuthathele ingqalelo.


ISAYINWE: NGU-WJS JANTJIES
INTLOKO: YESEBE LEMFUNDO
UMHLA: 2008:10:22

Isihlomelo A  (ubukhulu: 23 KB)
Isihlomelo B  (ubukhulu: 16 KB)
Isihlomelo C  (ubukhulu: 22 KB)