| 1. |
Die Direktoraat: Gehalteversekering is verantwoordelik vir die koördinasie van al die gehaltebestuurstelsels in die WKOD. Die Direktoraat moet verseker dat hierdie stelsels in plek is en dat alle stelsels doeltreffend en effektief geďmplementeer word.
|
| 2. |
Gehalteversekeringsminuut 0007/2008 dien om alle opvoeders en distriksbeamptes aan operatiewe kwessies soos per die GGBS-kalender vir Opvoeders vir 2008 te herinner.
|
| 3.1 |
Alle opvoeders word daaraan herinner dat, volgens die GGBS-kalender vir Opvoeders vir 2008, begin die summatiewe evaluering in Augustus 2008 en behoort dit teen 31 Oktober 2008 klaar te wees.
|
| 3.2 |
Prinsipale en POS'e word daaraan herinner dat alle modererings- en administratiewe aktiwiteite op skoolvlak aangaande die summatiewe punte van individuele opvoeders voor 14 November 2008 afgehandel moet word.
|
| 3.3 |
Die prinsipaal en HUB van elke inrigting onder die jurisdiksie van die WKOD is verantwoordelik daarvoor om te verseker dat die summatiewe puntetotaal van alle WKOD-besoldigde opvoeders, terapeute en sielkundiges van die inrigting ingelewer word.
|
| 3.4 |
Die status quo vir prinsipale en adjunkprinsipale bly onveranderd vir die 2008-evalueringsiklus en puntetotale vir hierdie opvoeders moet voorgelę word. Verwys na Gehalteversekeringsminuut 0006/2008.
|
| 3.5 |
Die prinsipaal is verantwoordelik vir die moderering van die summatiewe tellings van die opvoeders op skoolvlak.
|
| 3.6 |
Prinsipale word daaraan herinner dat die modereringsproses binne die konteks van die GGBS die proses is waar volgens die geldigheid van tellings teen die prestasiestandaarde geverifieer word en die prosesse prosedures soos voorgeskryf in die RAVO Kollektiewe Ooreenkoms 8 van 2003, en 4 en 5 van 2005. Die doelwit van hierdie stappe moet wees om te verseker dat daar ten vollevoldoen word aan die prosesse en prosedures soos vervat in die kollektiewe ooreenkomste.
|
| 3.7 |
Die IBB-adviseur is daarvoor verantwoordelik om die tellings van 'n steekproef opvoeders van skole oor die distrik heen te modereer. Die kringspanbestuurder is verantwoordelik vir die moderering van die tellings van alle prinsipale oor die kring heen.
|
| 3.8 |
Prinsipale word versoek om met die GGBS-koördineerders saam te werk by die onderskeie distrikskantore, aangesien hulle met al die skole binne die distrik sal reël om die vereiste dokumente oor die summatiewe evaluering in 2008 te kom haal. Die Direktoraat: Gehalteversekering sal direk met die VOO-kolleges in hierdie opsig kommunikeer.
|
| 3.9 |
Die nasionale Departement van Onderwys (DvO) moniteer die implementering van die GGBS in ooreenkoms met die Kollektiewe Ooreenkomste. Met die doel om doeltreffend te moniteer en te verseker dat die voorskrifte ten volle nagekom is tydens die implementering van die GGBS, het die DvO eksterne moderatore in al die provinsies aangestel.
|
| 3.11 |
Die eksterne modereringspan in die provinsie bestaan uit een projekbestuurder wat die aktiwiteite bestuur van die vier eksterne moderatore wat besoeke ter plaatse by die verskillende skole in die provinsie sal aflę.
|
| 3.12 |
Die projekbestuurder sal skole vooruit in kennis stel van 'n besoek ter plaatse en sal skole voorsien van 'n lys met die vereiste dokumente wat die skool moet voorlę.
|
| 3.13 |
Daar word van die eksterne moderatore verwag om gehaltekontroletoetse te doen op al die prosesse en prosedures, soos vervat in die RAVO se Kollektiewe Ooreenkoms 8 van 2003. Prinsipale van alle skole en distriksbeamptes moet met die eksterne moderatore saamwerk en op navraag aan hulle die verlangde dokumente verskaf vir bestudering.
|
| 4. |
SKOOLVERBETERINGSPLANNE VIR 2009
|
| 4.1 |
Alle skole moet 'n toepaslike Skoolverbeteringsplan (SVP) vir 2009 ontwikkel, in ooreenstemming met die 9 Fokusareas. Alle skole moet dus 'n omvattende Skool-selfevaluering (SSE) uitvoer as 'n integrale deel van die proses om data en feitelike inligting te versamel om 'n SVP op te stel.
|
| 4.2 |
Die GGMS-koördineerder sal alle skole in hulle onderskeie distrikte voorsien van 'n profielvorm om die SVP te verbeter. Alle skole moet dieselfde voorgeskrewe profielvorm gebruik.
|
| 4.3 |
Alle primęre skole moet 'n SVP teen 28 November 2008 inlewer en die datum vir die voorleggings deur hoërskole is 30 Januarie 2009.
|
| 4.4 |
Die SVP is 'n dokument van voorneme vir die skool. Die Kringspan moet die skool help om die gestelde doelwitte en teikens in die SVP te bereik. Alle belanghebbendes moet dus saamstem oor die ontwikkelingsprogramme in die SVP.
|
GETEKEN: L.J. ROSE
HOOF: ONDERWYS
DATUM: 2008:08:07
|