1. Ons wil hiermee graag ons dankbaarheid teenoor alle skole uitspreek vir die voorlegging van hulle skoolverbeteringsplanne (SVP’s) vir 2008. ‘n Spesiale woord van dank aan diegene wat gewysigde SVP’s met doelwitte voorgelê het. Teen hierdie tyd weet u dat die SVP die sleuteldokument is wat die verbeteringsaktiwiteite by die skool moet rig.
2. Ons wil elke skool ernstig aanmoedig om sy SVP vir 2008 te implementeer.
3. Vir 2009 het die WKOD vir homself die doelwit gestel om te verseker dat elke skool oor ‘n SVP beskik met doelwitte vir die 2009-skooljaar. Die Direktoraat: Gehalteversekering, in samewerking met die onderwysdistrikte, werk alreeds aan hierdie doelwit.
4. Die volgende stappe sal gedoen word om te verseker dat elke primêre skool sy SVP met doelwitte teen 28 November 2008 ingehandig het en elke hoërskool syne teen 31 Januarie 2009 ingehandig het.
  • Daar sal inligtingsessies oor die SVP vir 2009 wees vir prinsipale en skoolbestuurspanne.
  • Onderwysdistrikskantore of die Direktoraat: Gehalteversekering sal hulp aan skole bied.
  • Die Direktoraat: Gehalteversekering sal onderwysdistrikbeamptes oplei om hulp aan skole te verskaf.
  • Vordering met die bereiking van doelwitte vir November en Januarie sal gemonitor word.
5. Die Direktoraat: Gehalteversekering erken dat skole ‘n jaarprogram het en om hierdie rede word hierdie vroeë kennisgewing na alle skole gestuur. Die Direktoraat: Gehalteversekering sal in die nabye toekoms ‘n gedetailleerde bestuursplan met datums versprei.
6. U samewerking in hierdie verband sal waardeer word.


GETEKEN: LJ ROSE
HOOF: ONDERWYS
DATUM: 2008:06:05