1. Hierdie kommunikasie het betrekking op die PBOS vir permanente, gesekondeerde en gekontrakteerde kantoorgebaseerde opvoeders. Daar word aanvaar dat oorsigbesprekings gedurende elke kwartaal van die siklus 1 April 2007 tot 31 Maart 2008 plaasgevind het.
2. Bestuurders en toesighouers word herinner dat die Werkplan en Bevoegdhede vir die siklus wat op 31 Maart 2008 ten einde loop,. uit 50 sal tel om voorsiening te maak vir differensiasie. Die oorhoofse punt word uit 'n totaal van 100 saamgestel.
3. Let asseblief daarop dat 'n hoë punt nie toegeken kan word vir Bevoegdhede indien die teikens van die Werkplan nie bereik is nie.
4. 'n Totaal van 50% word vereis ten einde vir die 1%-salarisvordering in aanmerking te kom. Dit sal die punte van die kantoorgebaseerde opvoeders in ooreenstemming bring met dié van onderwysers by skole.
5. 'n Totaal van 75% vir 3 agtereenvolgende jare word vereis ten einde in aanmerking te kom vir versnelde salarisvordering.
6. Toesighouers word ook herinner dat punte gemodereer moet word en deur bestuurders onderteken moet word. Verwys asseblief na die Modereringsriglyne en die aangehegte profielvorms vir punteblaaie.
7. Die punte vir die 2007-2008-siklus moet die Direktoraat: Gehalteversekering teen 18 April 2007 bereik. Die bestuur van die PBOS sal oorgedra word na die Direktoraat: Interne Menslikekapitaalbestuur wanneer die Hoof van Onderwys aandui dat hierdie verandering, wat die gevolg is van die herontwerpproses, in werking moet tree.
8. 'n Afskrif van die PBOS-kalender vir die 2007/2008- en 2008/2009-siklusse moet aan alle bestuurders, toesighouers en kantoorgebaseerde opvoeders gegee word.
9. Bring asseblief die inhoud van hierdie minuut onder die aandag van die betrokke personeel.


GETEKEN: L.J. ROSE
HOOF: ONDERWYS
DATUM: 2008:03:28