1. Ingevolge Kollektiewe Ooreenkoms 8 van 2003, word van elke skool verwag om 'n skoolverbeteringsplan (SVP) voor te lê wat die aktiwiteite weerspieël waaraan 'n skool sal deelneem met die doel om die algehele prestasie te verhoog. Die verbetering in prestasie word primêr weerspieël in verbeterde leerderprestasie. Ons wil graag alle skole bedank wat voldoen het aan hierdie vereiste van die kollektiewe ooreenkoms.
2. Ingevolge Kollektiewe Ooreenkoms 8 van 2003, word van elke skool verwag om 'n skoolverbeteringsplan (SVP) voor te lê wat die aktiwiteite weerspieël waaraan 'n skool sal deelneem met die doel om die algehele prestasie te verhoog. Die verbetering in prestasie word primêr weerspieël in verbeterde leerderprestasie. Ons wil graag alle skole bedank wat voldoen het aan hierdie vereiste van die kollektiewe ooreenkoms. Sedertdien is die Wysigingswetsontwerp op die Onderwyswet, 2007 (Wet 31 van 2007) in Desember in die parlement goedgekeur. Hierdie wet vereis dat skole hulle akademiese prestasieverbeteringsplan (APVP) moet voorberei en aan die onderwyshoof van die provinsie moet voorlê. In die Wes-Kaap is daar besluit dat die SVP gebruik sal word om die inligting wat benodig word vir die APVP te weerspieël. Die redes hiervoor is as volg:
  • Alle skole het reeds hulle SVP's voltooi.
  • Dit sal maklik wees vir skole om hulle SVP's te wysig deur die inligting wat in Bylae B gespesifiseer word, by te werk.
  • Die SVP sal al die inligting bevat, met inbegrip van die leerderprestasiedoelwitte, wat 'n skool benodig om sy pogings te koördineer
  • Distriksondersteuningsbeamptes sal die SVP kan gebruik as 'n omvattende bron waarop hulle hulle ontwikkeling en ondersteuning kan baseer.
3. Skole word dus versoek om hulle SVP's te hersien (QA8 en QA9) met die doel om die volgende wysigings aan te bring:
3.1 Die opskrif "Prestasieaanduiders" in QA9 moet verander word om te lees "Teikens", en die kolom moet nou gebruik word om die teikens vir die betrokke aktiwiteit te weerspieël.
3.2 Die "Teikens" vir die fokusarea: Leerderprestasie is van primêre belang vir die doel van die SVP en APVP, alhoewel teikens vir al die ander prioriteite noodsaaklik is.
4. Die volgende dokumente is by hierdie minuut ingesluit:
  • Die gewysigde SVP-profielvorm [QA8 & QA9] (Bylae A)
  • Riglyne (Bylae B & B1) wat daardie elemente aandui wat verband hou met leerderprestasie waarvoor doelwitte gestel mag word. Hierdie bylae sluit ook 'n voorbeeld vir hoërskole in.
5. Hierdie wysigings aan u SVP sal nie diepgaande wees nie, maar sal nogtans waarde toevoeg tot u pogings tot verbetering. U word dus versoek om hierdie doelwitstellende oefening onmiddellik te voltooi. Stuur asseblief u gewysigde SVP voor of op 20 Maart 2008 aan die volgende beampte:

Die GGBS-koördineerder in jou distrik

6. Ons vertrou dat hierdie oefening die gekoördineerde pogings van elke skool verder sal verbeter.


GETEKEN: S. GALANT
HOOF: ONDERWYS
DATUM: 2008:03:05

Bylae A  (grootte: 30 KB)
Bylae B  (grootte: 65 KB)
Bylae B1 (Annexure B1)  (grootte: 10 KB)