1. Die Direktoraat: Gehalteversekering wil graag alle skole bedank vir hulle samewerking gedurende 2007 en, waar van toepassing, dat hulle gedurende 2007 gehou het by die sperdatums op die GGBS-kalender vir opvoeders.
2. Die Direktoraat: Gehalteversekering bestuur al die GGBS-aktiwiteite en -prosesse binne al die WKOD-skole.
3. Om skole te help, sal die WKOD intensiewe opleidingsessies deur die hele provinsie vir alle eerstekeer-implementeerders verskaf. Die GGBS-koördineerder by die distrikskantoor sal u inlig aangaande die finale reëlings betreffende die plek en datum waar die opleidingsessie sal plaasvind. All sessies sal om 14:00 begin (3 ure sessie).
4. Prinsipale word versoek om die betrokke opvoeders in te lig om die sessies by te woon. 'n Registrasievorm (Bylae A) is aangeheg en moet voltooi word deur alle deelnemers om te help met die finalisering van die logistiese reëlings. Faks asseblief die voltooide vorm aan die GGBS-koördineerder voor of op Vrydag 8 Februarie 2008.
5. Die WKOD sal een eis per skool aanvaar indien die deelnemer(s) meer as 100 km na die werkwinkel moes gereis het (enkelrit).
6. Alle opvoeders word daaraan herinner dat die Basislynevaluering van die Prestasiemetingsproses (PM-proses) vir eerstekeer-implementeerders voor 20 Maart 2008 voltooi moet word.
7. Prinsipale en SOS'e word daaraan herinner dat die QA5- en QA7-vorms vir alle WKOD-besoldigde opvoeders, terapeute en sielkundiges wat Kollektiewe Ooreenkoms 8 van 2003 en Kollektiewe Ooreenkoms 4 en 5 van 2005 onderskeidelik vir die eerste keer implementeer, die GGBS-koördineerder voor of op 18 April 2008 moet bereik.
8. Prinsipale word daaraan herinner om nie die QA7- en QA7I-vorms via e-pos of faksimilee te stuur nie, aangesien alleenlik oorspronklike voltooide QA7 of QA7I-vorms aanvaar sal word. 'n Vertraging in die voorleggingsproses sal 'n vertraging veroorsaak in die prosessering van die summatiewe punte vir die betrokke opvoeders.
9. Geen Opsommende Punteblad (QA7 en QA7i vir die basislyune) sal na 18 April 2008 aanvaar word nie.
10. Skoolverbeterigsplanne (SVP's) moet gewysig word om die ontwikkelingsvereistes van eerstekeer-implementeerders op skoolvlak in ag te neem.


GETEKEN: L.J. ROSE
HOOF: ONDERWYS
DATUM: 2008:02:06

Registrasie vorm  (grootte: 7 KB)