1. Die aanlynbevorderings op SOBIS sal van Maandag, 17 November 2008 vasgelê kan word.
2. Die prosedure sal dieselfde wees as verlede jaar (2007).

3. Maak asseblief seker dat SLEGS die leerders wat tans by die skool geregistreer is en wat 'n finale bevorderingsuitslag by die skool gaan kry, op SOBIS verskyn.
3.1 Enige leerder wat die skool verlaat het om na 'n ander skool te gaan, moet uit SOBIS oorgeplaas word.
3.2 Enige leerders wat na 'n ander provinsie of land gegaan het, moet op SOBIS gederegistreer word.
3.3 Enige leerder wat by u skool is maar wat nie op SOBIS is nie, moet oorgeplaas word in die stelsel in sodat die leerder as deel van u skool geregistreer is.
3.4 Leerdername by die skool moet op Vrydag, 14 November 2008 reeds nagegaan en gekorrigeer wees, omdat oorplasings of registrasies NIE gedoen kan word wanneer SOBIS op Maandag, 17 November 2008 in bevorderingsmodus geplaas word nie.

4. Aanlynvaslegging van bevorderingsuitslae
4.1 Plaas die pyltjie op Promotions 2008 en kliek op Promotion Summary
4.2 Kliek op die blou hiperskakel vir die graad waarin u die bevorderingsuitslae wil vaslê. 'n Lys name van leerders in die graad sal verskyn.
4.3 U kan 'n klasgroep in die graad kies indien u die bevorderingsuitslae van leerders per klas wil vaslê. Daar is 'n klaskiesopsie in die boonste deel van die skerm wat oopgemaak is.
4.4 Daar is drie stappe om 'n bevorderingsuitslag aan 'n leerder of groep leerders toe te ken.
4.4.1 Gaan die leerder na (kliek op die blokkie langs die naam van die leerder sodat 'n regmerkie verskyn). Die Check all-knoppie bokant die getalle kan gebruik word om al die leerders gelyktydig te merk. Die Uncheck all-knoppie verwyder die regmerkies langs die leerders se name.
4.4.2 Kies die bevorderingsuitslag wat op die geselekteerde leerders van toepassing is. Dit sal wees Ready to progress (RP) of Not Ready to progress (NRP) vir graad 1 tot 8. Vir graad 9 tot 11 sal die opsies Promoted (P) of Not promoted (NP) verskyn.
4.4.3 Kliek op die Submit-knoppie.
4.4.4 Die bevorderingsopsommingstabel sal aandui of bevorderingstatus aan al die leerders toegeken is. Die aantal leerders wat nog bevorderingstatus moet kry, sal deur die blou getal in die linkerkantste kolom aangedui word. As die kolom aan die linkerkant nul (0) vir al die grade bevat, beteken dit dat daar aan alle leerders 'n bevorderingsuitslag toegeken is.
4.5 Grensgevalle, wat onder die aandag van die IBB-adviseur gebring moet word, kan as sodanig vasgelê word voordat die prinsipaal met die IBB-adviseur vergader. 'n Kennisgewing kan bygevoeg word om enige belangrike inligting oor die leerder vas te lê wat die prinsipaal sou wou hê die IBB-adviseur in gedagte moet hou wanneer daar oor die bevorderingsuitslag van die leerder besluit word. Die IBB-adviseur sal die bevorderingsuitslag van die grensgeval vaslê.
4.6 Voorgraad R- en graad R-leerders op SOBIS sal outomaties na die volgende graad aangeskuif word. Die skool moet aandui watter leerders die graad moet herhaal deur die leerders te kies en hulle bevorderingstatus na NRP te verander.
4.7 Die prinsipaal moet die proses bestuur wat sal verseker dat die bevorderingsuitslag wat vir elke leerder op SOBIS vasgelê word, presies ooreenstem met die bevorderingsuitslag wat op die skool se bevorderingskedule verskyn. Sorg moet gedra word dat die bevorderingsuislag akkuraat vasgelê word. Die prinsipaal moet in staat wees om aan die IBB-adviseur te wys dat die skoolbevorderingskedule vir elke graad ooreenstem met die bevoderingskedules op SOBIS.

5. Die SOBIS-bevorderingskedule
5.1 Nadat die bevorderingsuitslae vir al die leerders in die graad gefinaliseer en geverifieer is, kan die finale SOBIS-bevorderingskedule uitgedruk word.
5.2 Hierdie skedule moet aan die IBB-adviseur gegee word tesame met die skoolbevorderingskedule. Die prinsipaal moet aan die IBB-adviseur kan wys dat die bevorderingskedules vir die skool en op SOBIS ooreenstem.
5.3 Daar moet bevestig word dat die leerders wat aangedui word as NRP of NP op die skool se skedule ooreenstem met die name op die SOBIS-skedule en dieselfde bevorderingstatus het.
5.4 Indien enige veranderings aan die skool se bevorderingskedule aangebring word (dit is die meesterskedule) op die dag wat die IBB-adviseur en die prinsipaal vergader om die skoolbevordering en vorderings af te handel, moet die veranderinge ook op SOBIS se aanlynbevorderingsprogram aangebring word.
5.5 Die prinsipaal en IBB-adviseur moet beide skedules onderteken om die korrektheid te bevestig en hierdie dokumente amptelike rekords van die grade en die bevorderingstatus van elke leerder te maak. Die IBB-adviseur SLUIT die bevorderingsfunksie op SOBIS vir die skool.
5.6 Die prinsipaal moet 'n addisionele ondertekende afskrif van die finale skoolbevorderingskedule aan die IBB-adviseur voorsien. Hierdie afskrif is vir OBIS-gebruik by Hoofkantoor en sal by die onderwysdistrikskantoor afgehaal word.

6. Dankie vir u harde werk en samewerking gedurende die jaar. Bring asseblief die inhoud van hierdie minuut onder die aandag van alle belanghebbendes.
7. Die SOBIS-administrasie wens u, u span en leerders alles van die beste, en sukses met die eksamen en alle administrasie vir die res van die jaar toe.
8. Skakel asseblief met u IBB-adviseurs of die SOBIS-administrateur by u onderwysdistrikskantoor of Hoofkantoor vir meer inligting. Die nommers is beskikbaar op SOBIS onder die administrasiefunksie.


GETEKEN: SH MAFANGA-KIBI
HOOF: ONDERWYS
DATUM: 2008:11:11