1. Die Onderwysbestuursinligtingstelsel (OBIS) in Suid-Afrika versamel, verwerk en versprei skoolonderwysdata ten einde die prestasie van die onderwysstelsel te evalueer, om die implementering van beleid te monitor, om die gelyke verspreiding van hulpbronne te verseker en om die regstelling van ongelykhede na te spoor.
2. Die nasionale Minister van Onderwys het opdrag gegee dat 'n Wiskunde-en-Fisiesewetenskappeopname in alle provinsies onderneem moet word om die posisie soos op 18 Julie 2008 te bepaal.
3. Die opname moet in alle gewone openbare en onafhanklike skole wat graad 10, 11 en/of 12 aanbied (een of al die grade) afgeneem word.
4. Ingevolge die Suid-Afrikaanse Skolewet, Wet 84 van 1996, hoofstuk 7, artikel 59 (2) moet elke skool sodanige inligting oor die skool voorsien soos wat redelik vereis word deur die Hoof van Onderwys.

Die verifikasievereiste spruit uit die Wysigingswet op Onderwyswette 2007, met die byvoeging van artikel 16A 2 (g) in Wet 84 van 1996: "…Die Prinsipaal moet akkurate data aan die Hoof van die Departement voorsien wanneer so 'n versoek gerig word."
5. In die Wes-Kaap sal die opname via SOBIS gedoen word. Invoerskerms is op SOBIS geskep waarop die besonderhede vir die opname ingevoer kan word.
6. Die 352 openbare skole en die 71 onafhanklike skole wat aan die opname moet deelneem, word versoek om die volgende te doen:
6.1 Log aan op SOBIS. Daar is 'n boodskap op een van die eerste skerms wat die prosedure aanbeveel.
6.2 Beweeg die pyltjie oor die "Surveys"-kiesitem op SOBIS en kliek op "Maths and Physical Science/Capture Screens".
  • Druk asseblief (met LANDSCAPE-uitleg) elke opnamebladsy uit en oorhandig dit aan die prinsipaal. Die prinsipaal kan die invul van die opname delegeer, maar is aanspreeklik vir die akkuraatheid van die data wat voorsien word.
  • Die prinsipaal moet die ingevulde bladsye onderteken, en die inligting moet dan deur die skool se SOBIS-verwerker ingevoer word.
  • Die data moet noukeurig aanlyn op SOBIS ingevoer word.
  • Die verwerker moet die bladsye soos wat hulle aanlyn ingevul het aan die prinsipaal oorhandig vir ondertekening en die oorspronklike en die uitgedrukte bladsye by die skool liasseer omdat hulle dalk vir ouditdoeleindes benodig sal word.
  • Die AFTEKEN- (SIGN-OFF) bladsy moet op SOBIS ingevul word. Die aftekendatum sal op elke deel van die opname aangetoon word.
  • Die opname moet aanlyn ingedien word.
7. Hierdie opname moet so naby as moontlik aan 18 Julie 2008 aanlyn gedoen word. Die vordering met betrekking tot die invul van die aanlynopname sal gemonitor word, omdat die data by die nasionale Departement van Onderwys ingedien moet word sodat verslae aan die Minister van Onderwys voorgelę kan word.
8. Prinsipale en amptenare word by voorbaat bedank dat hulle hulle skole se Wiskunde-en-Fisiesewetenskappeopname teen nie later nie as 31 JULIE 2008 sal indien.
9. U samewerking met die bestuur van hierdie opname word hoog op prys gestel.


GETEKEN: A. SIYENGO
HOOF: ONDERWYS
DATUM: 2008:07:15