| 2. |
Die doel van hierdie minuut is om die proses vas te lê wat deur skole gebruik moet word en wat toegepas sal word deur beamptes van die Wes-Kaap Onderwysdepartement (WKOD) wanneer gewone skole tydens die laaste kwartaal van 2008 en die eerste kwartaal van 2009 om addisionele poste aansoek doen.
|
| 3. |
Addisionele poste is poste waarvoor gewone openbare skole by die WKOD aansoek doen en wat addisioneel is tot die opvoederpersoneeldiensstaat wat in 2008 vir die 2009-kalenderjaar bekendgemaak is.
|
| 4. |
Daar is twee tipes addisionele poste, nl. groeiposte en kurrikulumposte:
|
| 4.1 |
'n Groeipos is 'n pos waarvoor 'n gewone openbare skool aansoek doen as gevolg van 'n aansienlike toename in leerderinskrywing, soos op die SOBIS sowel as op die leerderteenwoordigheidsregister van die skool gereflekteer, vanaf Maart 2008 (leerderinskrywingsgetal vir skool vir 2008 soos aangedui op die personeeldiensstaatbrief vir 2009) tot die tiende skooldag van 2009.
|
| 4.2 |
'n Kurrikulumpos is 'n pos waarvoor 'n gewone openbare skool aansoek doen as gevolg van die uitbreiding van die skool se kurrikulum (wat deur die WKOD goedgekeur moes gewees het) of enige ander kontekstuele onderwysfaktor wat die gewone openbare skool sou verhinder om die kurrikulum doeltreffend en effektief te lewer.
|
| 5.1 |
Aansoek om groeiposte sal slegs oorweeg word op die basis van die leerderinskrywing van die gewone openbare skool soos op 3 Februarie 2009 (die tiende skooldag) en op voorwaarde dat daar steeds poste in die posmandjie beskikbaar is. Die skool mag alleenlik aansoek doen indien die skoolhoof die skool se tiendedag leerderinskrywingsgetal vir 2009 afgeteken het. Die prinsipaal moet seker maak dat die getal leerders op die SOBIS ooreenstem met die getal leerders soos aangedui in die leerders se klasbywoningsregisters vir 2009. Deur die tiendedag-leerdertotale van die skool af te teken, verifieer en sertifiseer die kringspanbestuurder (KSB) die skool se tiendedag-leerdertotale.
|
| 5.2 |
'n Aansoek om 'n groeipos moet aanlyn gedoen word. 'n Aansoek om 'n groeipos wat nie aanlyn gedoen word nie, sal nie deur die WKOD oorweeg word nie.
|
| 5.3 |
Wanneer 'n skool om 'n groeipos aansoek doen, hoef die skool nie 'n motivering te verskaf nie. Die skoolhoof moet egter bevestig dat daar genoegsame en geskikte akkommodasie beskikbaar is vir die addisionele opvoeder(s) sowel as vir die addisionele leerders.
|
| 5.4 |
Die skool mag alleenlik aansoek doen om 'n groeipos indien daar 'n aansienlike toename in leerderinskrywing is. Die skool moet die leerdertotaal vir 2008, soos op die 2009 personeeldiensstaatbrief aangedui, aftrek van die tiendedag-totaal vir 2009. 'n Skool sal vir 'n groeipos kwalifiseer indien die verskil tussen hierdie twee getalle ten minste vyf-en- dertig (35) is vir 'n sekondêre skool en veertig (40) vir 'n primêre skool. Die getal groeiposte waarvoor 'n skool kwalifiseer, sal op die volgende wyse bereken word: die groeitotaal word verdeel deur 35 en 40 vir sekondêre en primêre skole onderskeidelik, en die antwoord sal afgerond word tot die naaste getal, byvoorbeeld 4,8 sal 4 word en nie 5 nie.
|
| 5.5 |
'n Skool wat in 2008 aansoek gedoen het om 'n addisionele kurrikulumpos vir 2009 en dit ontvang het, sal nie vir 'n groeipos in 2009 kwalifiseer nie, tensy die skool vir meer groeiposte in 2009 kwalifiseer as die getal kurrikulumposte wat die skool in 2008 vir 2009 ontvang het. In so 'n geval sal die skool die verskil ontvang.
|
| 5.6 |
Om die tiendedag-leerderinskrywingstotaal van die skool te bepaal, moet die skoolhoof seker maak dat die volgende leerders oorgeplaas of gederegistreer word op SOBIS en van die skool se leerderbywoningsregister sowel as die skool se toelatingsregister afgehaal word:
|
| 5.6.1 |
Leerders wat die skool verlaat het of uitgesak het aan die einde van 2008 om watter rede ookal.
|
| 5.6.2 |
Leerders wat 'n oorplasingsertifikaat van die skool ontvang het.
|
| 5.6.3 |
Leerders wat nie skool bygewoon het vir enige van die eerste tien skooldae van die 2009-akademiese jaar nie.
|
| 5.7 |
Die aansoek om 'n groeipos deur 'n gewone openbare skool sal slegs onder die volgende omstandighede oorweeg word:
|
| 5.7.1 |
Die skool het geen botallige opvoeders nie, d.w.s. die skool het nie meer permanent-aangestelde opvoeders as die getal poste waarvoor sy opvoederpersoneeldiensstaat vir 2009 voorsiening maak nie.
|
| 5.7.2 |
Die leerdertotale van die skool is op SOBIS bygewerk.
|
| 5.7.3 |
Alle leerders is in klasse geplaas op SOBIS.
|
| 5.7.4 |
Al die vakke van al die leerders (met die moontlike uitsondering van graad 10-leerders) in die skool word op SOBIS vasgelê.
|
| 5.8 |
Gewone openbare skole mag aansoek doen om groeiposte vanaf 16:00 op Dinsdag, 3 Februarie 2009 tot 16:00 op Vrydag, 13 Februarie 2009. Geen laat aansoeke sal oorweeg word nie.
|
| 6.1 |
Aansoeke om kurrikulumposte moet aanlyn gedoen word op SOBIS.
|
| 6.1.1 |
Dit kan plaasvind vanaf 10:00 op Maandag, 3 November 2008 tot 16:00 op Vrydag, 14 November 2008.
|
| 6.1.2 |
Al hierdie poste sal oorweeg word deur die distriksdirekteur teen Vrydag 21 November 2008, en dit sal deur die Hoofdirekteur: Distrikte teen Vrydag, 28 November 2008 oorweeg word.
|
| 6.1.3 |
Skole sal teen 12 Desember 2008 in kennis gestel word van die uitkoms van die eerste rondte van hulle aansoeke om kurrikulumposte.
|
| 6.1.4 |
Skole sal vroeg in 2009 'n tweede kans gegun word om aansoek te doen om kurrikulumposte.
|
| 6.1.5 |
Skole mag aansoek doen vanaf 08:00 op Maandag, 26 Januarie 2009 tot 16:00 op Vrydag, 13 Februarie 2009.
|
| 6.1.6 |
Geen aansoeke sal na 16:00 op Vrydag, 13 Februarie 2009 oorweeg word nie.
|
| 6.1.7 |
Skole sal in kennis gestel word van die uitkoms van hulle aansoeke (van die tweede rondte) teen Dinsdag, 31 Maart 2009.
|
| 6.2 |
Aansoeke om kurrikulumposte moet ten volle gemotiveer word.
|
| 6.3 |
'n Gewone openbare skool se aansoek om 'n kurrikulumpos sal slegs onder die volgende omstandighede oorweeg word:
|
| 6.3.1 |
Die skool het geen botallige opvoeders nie, d.w.s. die skool het nie meer permanent-aangestelde opvoeders as die getal poste waarvoor sy opvoederper-soneeeldiensstaat vir 2009 voorsiening maak nie.
|
| 6.3.2 |
Die leerdertotale van die skool is bygewerk op SOBIS en kom ooreen met die leerdertotale in die skool se leerderbywoningsregisters sowel as die skool se toelatingsregister. Die moet deur die KSB geverifieer word.
|
| 6.3.3 |
Alle leerders is in klasse geplaas op SOBIS.
|
| 6.3.4 |
Al die vakke van al die leerders in die skool is op SOBIS vasgelê.
|
| 6.3.5 |
Die skoolhoof het bevestig en die KSB het geverifieer dat daar genoegsame en geskikte akkommodasie beskikbaar is vir die addisionele opvoeders.
|
| 6.3.6 |
Die skool het 'n volledige motivering verskaf wat aandui hoe die addisionele opvoeders aangewend sal word.
|
| 6.3.7 |
'n Personeellid van die Subdirektoraat: Kennis en Inligtingsbestuur het aangedui dat alle SOBIS-data vir die skool behoorlik bygewerk is, dat daar geen duplikaatleerders is nie en dat al die leerders wat veronderstel is om gederegistreer of uitgeplaas te word wel gederigstreer en uitgeplaas is..
|
| 6.3.8 |
Die skoolhoof het 'n behoorlik voltooide Bylae A (Skedule van Onderwysertoekenning), Bylae B (Skedule van Onderwyserbenutting) en Bylae C (Skedule van Onderrigtyd) na die skool se KSB ge-epos (hierdie e-posadres moet van u KSB verkry word), na die distriksdirekteur (u moet hierdie e-posadres van u distriksdirekteur verkry) en na die Direkteur: Menslikekapitaalbeplanning (op e-posadres mdelo@pgwc.gov.za of avmalgas@pgwc.gov.za) wat aandui
- hoe die opvoeders (met insluiting van nuwe poste waarvoor aansoek gedoen is) aangewend sal word;
- die getal leerders in die klasse;
- die getal periodes wat die opvoeder onderrig sal gee;
- die persentasie tyd wat die onderwyser besig sal wees om in die siklus onderrig te gee;
- die kwalifikasies van alle opvoeders (met inbegrip van opvoeders wat deur die skoolbeheerliggaam besoldig is) en
- hoekom die huidige onderwysers nie die vak(ke) of leerarea(s) kan aanbied waarvoor die nuwe onderwysers benodig word nie.
Voorbeelde van voltooide skedules is vir u gerief by hierdie minuut aangeheg.
|
| 7.1 |
Die kringspanbestuurder (KSB) moet seker maak dat daar geen botallige opvoeders in hulle kring of aangrensende kring is nie wie se dienste moontlik aangewend kan word om in die behoeftes van die betrokke skool te voorsien nie. Indien so 'n bo-tallige opvoeder geïdentifiseer is, moet die Direktoraat: Interne Menslike-kapitaaladministrasie in kennis gestel word.
|
| 7.2 |
Onder geen omstandighede mag 'n prinsipaal 'n opvoeder aanstel voor geskrewe kennis van goedkeuring van die Direktoraat: Interne Menslikekapitaaladministrasie ontvang is nie.
|
| 7.3 |
'n Skool sal in kennis gestel word en ingelig word via e-pos aangaande die status van sy aansoek.
|
| 7.4 |
Die skoolhoof moet seker maak dat alle leerderbesonderhede bygewerk is op SOBIS voor die skool poog om vir 'n addisionele pos aansoek te doen.
|
| 7.5 |
Skole moet seker maak dat alle leerderbesonderhede (vakinligting ingesluit) voltooi is teen Vrydag, 13 Februarie 2009 vir die 2009-posvoorsieningseisoen. Alle deregistrasies en uitplasings moet deur die skool voltooi wees teen Maandag, 2 Februarie 2009.
|
| 7.6 |
Indien 'n skool enige skakelingsprobleme ervaar terwyl daar om 'n pos aansoek gedoen word, skakel asseblief u KSB om u by te staan.
|
| 8. |
Bring asseblief die inhoud van hierdie omsendbrief onder die aandag van alle personeellede en lede van die bestuursliggaam.
|
GETEKEN: WJS JANTJIES
HOOF: ONDERWYS
DATUM: 2008:10:29
|