1. Inkomfa yothetha-thethwano lwamabhunga olawulo e-AET iza kubanjwa nge-30 Agasti 2008. Le nkomfa yothetha-thethwano iya kugxila ngakumbi kwindima nakwimisebenzi yamabhunga olawulo ezikolo.
2. Apha kuqhotyoshelwe iprogram yale nkomfa (isiHlomelo B).
3. Le nkomfa iya kubanjelwa kwi-Council Chamber e-Cape Town Civic Centre. Iya kuqala ngo-8:30 iphele ngo-15:00.
4. Iya kufumaneka indawo yokupaka ngaphantsi kwesakhiwo i-Cape Town Civic Centre xa ungena nge-Old Marine Drive.
5. Ngalinye iZiko leMfundo yoLuntu le-AET malithumele kule nkomfa abameli abathathu (o.k.t. uMphathi weZiko, uSihlalo weBhunga loLawulo leSikolo noMfundi). Iziko ngalinye malithumele amagama abameli balo kuMququzeleli weSithili we-IMG we-AET ukulungiselela iinjongo zobhaliso lisebenzise le fom iqhotyoshelwe apha (isiHlomelo A).
6. Abathunywa bezi zithili zilandelayo baya kubonelelwa ngendawo yokulala nge-29 Agasti 2008 e-Fountains Hotel eCape Town (1 St George's Mall, Cape Town):

Cape Winelands:Witzenberg CLC and Breerivier Wynland CLC
Overberg:Riviersonderend CLC and Overberg CLC
Eden and Central Karoo:Kamanasie CLC, Hessequa CLC, Knysna CLC, Oudtshoorn CLC, Beaufort West and Karoo CLC, Siyafuna Ukufunda CLC, Die Ons Węreld CLC, Franken CLC, Mossel Bay CLC, George CLC and Plettenberg Bay CLC
West Coast:FUGA CLC, Diazville CLC, St Helenabaai CLC, Van Rhynsdorp CLC, Porterville CLC and Ebenhaeser CLC

6.1 Aba bathunywa kufuneka bazilungiselele isidlo sabo sangokuhlwa, kodwa baya kunikwa isidlo sakusasa nge-30 Agasti 2008.
6.2 ISebe i-WCED aliyi kubabuyisela abathunywa ngeendleko abazenzileyo zeefoni zabucala (private telephone calls) okanye ngokuthenga iziselo ezinxilisayo ngeli thuba.
7. Indlela yokwenza amabango eendleko zohambo

Abathunywa mabangenise amabango abo azalisiweyo eendleko zokuhamba ngezithuthi kuMququzeleli weSithili we-IMG ye-AET ekupheleni kwenkomfa. Ngako oko ke kubalulekile ukuba ummeli ngamnye aze nezi zinto zilandelayo ngosuku lwenkomfa:

  • Iinkcukacha zobhaliso lwesithuthi asisebenzisileyo kuhambo
  • Iinkcukacha zebhanki yakhe
8. Imibuzo malunga nenkomfa ingabhekiswa kuMnu Bongani Xotyeni kule dilesi ye-imeyili bxotyeni@pgwc.gov.za okanye ngefoni kule nombolo 021 467 2609/2567.


ISAYINWE: NGU-HA LEWIS
INTLOKO: YESEBE LEMFUNDO
UMHLA: 2008:08:11

isiHlomelo A: ABameli bamaBhunga oLawulo amaZiko e-AET  (ubukhulu: 11 KB)
isiHlomelo B: INKOMFA ENGOTHETHA-THETHWANO LWAMABHUNGA OLAWULO E-AET  (ubukhulu: 10 KB)