1.1 |
Injongo yesi sikhokelo kukuqinisekisa ubhaliso lootitshala bemfundo noqeqesho lwabadala (adult education and training (AET)) kwiBhunga looTitshala laseMzantsi Afrika (South African Council for Educators (SACE)). Eli liBhunga elisemthethweni elasekwa ngoMthetho we- SACE (uMthetho 31 ka-2000) (Act 31 of 2000)) ukuze “kuphakanyiswe isidima somsebenzi wobutitshala” eMzantsi Afrika.
|
1.2 |
Oku kulandelayo ziinjongo zoMthetho we-SACE:
- Ukubonelela ngobhaliso lootitshala
- Ukukhuthaza uphuhliso lootitshala kubizo lwabo
- Ukumisela, ukugcina nokukhusela imigangatho yokuziphatha ngesimilo nangokwemigaqo yobizo lwabo (ethical and professional standards), ngokuthi iBhunga lenze umsebenzi walo.
|
1.3 |
Lo Mthetho unyanzelisa ukuba wonke utitshala, kubandakanywa nootitshala be-AET, makabhalise kwi-SACE phambi kokuba abe nokuqeshwa kwisithuba sokufundisa. Akukho mntu makaqeshwe njengetitshala ngaphandle kokuba loo mntu ubhalisile kwi-SACE.
|
2. |
IIMFUNO EZIMISELWEYO ZOBHALISO
- Utitshala angenza isicelo sobhaliso okanye ubhaliso lwethutyana kwi-SACE ngokuzalisa ifom yokwenza isicelo yeBhunga. Utitshala makaposele ifom ezalisiweyo, ehamba kunye neekopi ezingqiniweyo zezatifikethi zemfundo neposoda ye-R60 (elixabiso lentlawulo yobhaliso efunekayo), kwa-SACE ngeposi eyirejista.
- Utitshala makanelise imigangatho yokuziphatha ngesimilo nangokwemigaqo yobizo ebhalwe kolu xwebhu Code of Professional Ethics for Educators, kwaye kufuneka abe sele epase enye yezi zinto zilandelayo:
- Ubuncinane isiqinisekiso seminyaka emithathu yoqeqesho lobutitshala emva
kwematriki (M + 3 okanye i-REQV 13). Kule meko ingayidiploma ye-ABET
- Nasiphi na esinye isiqinisekiso esivunyiweyo yi-SACE ukulungiselela iinjongo zobhaliso
|
3. |
IFOM YOBHALISO LWETHUTYANA (Engulindela)
Lowo uza kuba ngutitshala, okunyaka wakhe wokugqibela wezifundo, angabhalisa okwethutyana kwi-SACE, ngokuxhomekeka ekubeni unokuvelisa ubungqina bokubhalisela ikhosi ekhokelela kwisiqinisekiso sokuqeqeshelwa ubutitshala. Ngokumalunga necandelo le-AET ingangumntu oneSatifikethi se-ABET ofundela njengangoku ukufumana idiploma ye-ABET.
Sakuba nje sifunyenwe isiqinisekiso sokufundisa, lowo uza kuba ngutitshala makathumelele i-ofisi ye-SACE iikopi ezingqiniweyo zesiqinisekiso semfundo (zeziqinisekiso zemfundo) neyesazisi ukuze abe nokufaneleka ukubhaliswa ngokupheleleyo.
|
4. |
IFOM YOBHALISO LWETHUTYANA (Phantsi kwemiqathango)
Utitshala onesiqinisekiso seminyaka emithathu sasemva kwematriki, kodwa engenaso isiqinisekiso soqeqesho lobutitshala, onkonzo zakhe zifunwayo ngumqeshi unokunikwa le fom yobhaliso lwethutyana.
|
4.1 |
Ngokumalunga necandelo le-AET ingangumntu one-REQV 11 onobungqina bokubhalisela ikhosi emkhokelela ekufumaneni idiploma ye-ABET.
|
4.2 |
Lo mntu uya kubhaliswa okwethutyana kangangethuba lonyaka omnye, ekufuneka kuthi ngeli xesha azalisekise iimfuno ezimiselweyo zediploma ukuze akwazi ukubhaliswa ngokupheleleyo.
|
5. |
UKWENZA ISICELO SOBHALISO
Nantso ifom yokwenza isiceloiqhotyoshelwe apha. Iyafumaneka kwakhona kwiziko lewebhu le-SACE apha www.sace.org.za kwaye kufuneka iposelwe kule dilesi ilandelayo:
SACE
Private Bag X127
Centurion
0046
|
ISAYINWE: NGU- M MAAS-OLSEN
INTLOKO: YESEBE LEMFUNDO
UMHLA: 2008:05:14
|