1. |
I-Allan Gray Orbis Foundation ineqela eliqingqiweyo leemali zenkxaso (scholarships) kubafundi abenza iBakala 6 njengangoku zokuba bafunde kwizikolo zikarhulumente nezikolo eziziisekondari ezizimeleyo ezithile ezitshatsheleyo ukususela ngo-2010 ukubheka phambili. Le nkxaso-mali ihlawulela iindleko ezipheleleyo zokufunda neefizi zasehostele. Ukongeza apho, ikwabandakanya nenkxaso esisibonelelo seehambo, (travel allowance), izinto zokubhala, iincwadi, izinto zokuhlamba (toiletries), iyunifom yesikolo neempahla zokunxiba kwakunye nezinye izibonelelo. |
2. |
U-Allan Gray ubakhetha abafundi ngokususela kwinkqubo yabo ezifundweni nasekuthatheni inxaxheba kwabo kwimisebenzi eyenziwa emva kweyokufunda, egxininisa ngokukodwa kwimfuno yezemali njengekhrayitheriya. Abenzi-sicelo kuya kufuneka bangenele inkqubo yokhetho engqongqo, ebandakanya phakathi kwezinye izinto, iimvavanyo nodliwano-ndlebe lokuqinisekisa umgangatho nabaviwa kunye nomnye umzali/umgcini womfundi (guardian). |
3. |
Ukuze bafanele ukwenza isicelo, abafundi mabazalisekise ezi khrayitheriya zilandelayo:
- Umfundi weBakala 6 waseMzantsi Afrika obefudula evinjwe amathuba ngaphambili obonisa isakhono esiqaqambileyo kwiMathematika nesiNgesi; yaye
- Onokubonisa ngokucacileyo ukuba ufuna uncedo lwemali
|
4. |
Inkqubo yokwenza isicelo enamanyathelo amane ibandakanya oku kulandelayo:
Inyathelo 1: Ukungenisa isicelo
- Abenzi-sicelo kufuneka bazalise ifom -2008 Allan Gray Scholarship Application Form. Ifom ezaliswe ngokupheleleyo mayifike kwi-ofisi yabo engagqithanga uLwesihlanu we-7 Novemba 2008.
|
Inyathelo 2: Ukubhala uvavanyo
- Abenzi-sicelo abafakwe kuluhlu olufutshane baya kucelwa ukuba babhale iimvavanyo zolwazi lokubala, nolwazi lokufunda nokubhala kumaziko ngamaziko ovavanyo akulo lonke eli lizwe.
|
Inyathelo 3: Udliwano-ndlebe ngefoni
- Abenzi-sicelo abaqhube kakuhle kwezi mvavanyo baya kuthatha inxaxheba kumjikelo wokuqala wodliwano-ndlebe ngefoni.
|
Inyathelo 4: Udliwano-ndlebe lobuso ngobuso
- Abenzi-sicelo abakuluhlu olufutshane baya kucelwa ukuba beze kudliwano-ndlebe lobuso ngobuso. Ngethuba lalo mjikelo, umenzi-sicelo ngamnye makakhatshwe ngumzali omnye okanye ngumgcini omnye.
|
|
5. |
Kuphela ngabenzi-sicelo abanala maxwebhu anika ubungqina alandelayo kwizicelo zabo abaya kufaneleka ukukhethwa:
- Ikopi engqiniweyo yesatifikethi sokuzalwa, yesazisi okanye ipasipoti yomfundi
- Ikopi engqiniweyo yesazisi somzali (sabazali/sabagcini)
- Ikopi engqiniweyo yeS(Z)atifikethi s(z)okuSweleka, ukuba kuyasebenza oko
- Ikopi engqiniweyo yeripoti yeBakala 5
- Ikopi engqiniweyo yeripoti yeBakala 6
- Ikopi engqiniweyo ye(e)peyisiliphu, ukuba kuyasebenza oko
- Ingxelo (iingxelo) efungelweyo (affidavit) ukuba akaqeshwanga/uhleli ekhaya, anike izizathu zokungaqeshwa.
- Incwadi ebhaliweyo enesitampu esayiniweyo engqina ngaye evela kutitshala
- Incwadi ebhaliweyo esayiniweyo engqina ngaye evela kwinkokeli yasekuhlaleni.
|
6. |
Iifom zokwenza isicelo zingafumaneka ngolu hlobo:
|
7. |
Iifom ezizaliswe ngokupheleleyo nawo onke amaxwebhu axhasayo kufuneka zithunyelwe kule dilesi ilandelayo: |
7.1 |
Ngesandla
The Allan Gray Scholars Programme Manager Allan Gray Orbis Foundation Block B, Granger Bay Court Beach Road, V&A Waterfront Cape Town 8001
|
7.2 |
Ngeposi (asiyomfuneko istampu sokuposa)
The Allan Gray Scholars Programme Manager Freepost License No.: -CB11349 Waterfront 8002
|
ISAYINWE: NGU- LJ ROSE
INTLOKO: YESEBE LEMFUNDO
UMHLA: 2008:11:03
|