1. |
Luxanduva lwesikolo ngasinye ukucwangcisa iprogram yesikolo yaso ukulungiselela ithuba laxa kuqhutywa uvavanyo nasemva kovavanyo kunye/okanye koviwo kude kube lusuku lokugqibela lwabafundi ngowe-5 Disemba 2008 ukuze abafundi bagcinwe bexakekile ngendlela enenzuzo. Kubalulekile ke ngoko ukuba zonke izikolo zithobele oku kulandelayo: |
1.1 |
Iintsuku zesikolo ngethuba lovavanyo lokuphela konyaka kunye/okanye ngethuba lokubhalwa koviwo mazingapheli phambi ko-13:00 kubafundi. Abafundi abathatha inxaxheba kwinkqubo ye-CTA yeBakala 9 kazwelonke kufuneka bagcinwe bexakekile ngokuthi kuqhutyekwe nokubafundisa, kuhlolwe umsebenzi wabo (learner review) kujongwe kwakhona umsebenzi abawenzileyo (reflection) emva kokuphela komsebenzi obhalwa nguzwelonke. |
1.2 |
Izikolo maziqinisekise ukuba bonke abafundi bayaya esikolweni ngazo zonke iintsuku, kungakhathaliseki nokuba ngaba baza kuba novavanyo okanye uviwo okanye akunjalo. |
1.3 |
Izikolo mazicwangcise uvavanyo lwangaphakathi kunye/okanye uviwo ngendlela eya kwenza ukuba bonke abafundi ababhalayo bagqibe ngo-13:00 ubuncinane. |
2. |
Kulindeleke ukuba bonke ootitshala babekho usuku lonke lwesikolo yonke imihla ngeli thuba, kungakhathaliseki nokuba ngaba benza imisebenzi yokugada abaviwa okanye akunjalo. |
3. |
Iiprofayili zabafundi neephothifoliyo mazifumaneke ukulungiselela ukumodareyitha nokudlulela phambili kwabafundi (moderation and progression) ngokwemihla ekugqitywe kuyo zizithili zemfundo. |
4. |
Ziyacelwa zonke izikolo ukuba zingenise iiprogram zazo zovavanyo kunye/okanye zoviwo kubaphathi bazo beekomiti zeesekethe ngomhla okanye phambi komhla we-7 Novemba 2008. |
ISAYINWE: NGU- LJ ROSE
INTLOKO: YESEBE LEMFUNDO
UMHLA: 2008:10:29
|