1. INLEIDING
1.1 Gedurende nasionale vakansiedae en skoolsluitingsperiodes moet leerders wat nie amptelike goedkeuring het om na hulle ouerhuise/voogde te gaan nie, by jeugsorg-en-onderwyssentrums en spesiale jeugsorg-en-onderwyssentrums versorg word.
1.2 Die sentrumpersoneel moet toesig- en versorgingsdienste lewer. Geen personeellid mag diens verrig sonder dat die Hoofdirekteur: Inrigtings-, Gespesialiseerde en Operasionele Ondersteuning dit vooraf goedgekeur het nie.
1.3 Dit is die verantwoordelikheid van die skoolbestuur om opvoeders en staatsdienspersoneel aan te wys wat die dienste moet verrig.
1.4 Aangesien hierdie diens duur is, moet die sentrumhoof toesien dat slegs die minimum noodsaaklike toesigdienspersoneel aangewend word.

2. AANWENDING EN VERGOEDING VAN STAATSDIENSPERSONEEL
2.1 Die volgende staatsdienspersoneel moet tydens nasionale vakansiedae diens by sentrums verrig:
  • een verpleegkundige en
  • vier huishoudingstoesighouers en -hulpe wat die kombuis bedryf (slegs vir sentrums wat nie van spysenieringsdienste gebruik maak nie).
2.2 Staatsdienspersoneel kan slegs addisioneel vir dienste wat op nasionale vakansiedae verrig word, volgens voorskrifte vergoed word (verwys Resolusie 1 van 2007).

3. AANWENDING EN VERGOEDING VAN KS-OPVOEDERS.
3.1 'n Lid van die sentrum se bestuurspan moet as hoof-aan-diens vir die betrokke tydperk waarneem.
3.2 'n Sielkundige of die maatskaplike werker kan slegs bystandsdiens verrig indien daar 'n behoefte daarvoor bestaan. 'n Goed gemotiveerde skriftelike aansoek hiervoor moet by die sentrumhoof se aansoek om vakansiediens ingesluit wees.
3.3 Die span KS-opvoeders wat dienste gaan verrig, moet vooraf 'n opvoedkundige vakansieprogram opstel en dit aan die skool se bestuurspan en die onderwysdistrikskantoor vir goedkeuring voorlę. Gedurende skoolsluitingsperiodes moet die KS-opvoeders die opvoedkundige vakansieprogram ko-ordineer en uitvoer. Hierdie programme moet vooraf by die Direktoraat: Gespesialiseerde Onderwysondersteuning ingedien word.
3.4 Die beskikbaarheid van sekuriteitsdienste by sentrums sal 'n invloed hę op die aantal KS-opvoeders wat dienste moet verrig. Die sekuriteitsdienste is 24 uur per dag by die spesiale jeugsorg-en-onderwyssentrums aan diens, terwyl die diens slegs vanaf 18:00 tot 06:00 by jeugsorg-en-onderwyssentrums verrig word. Die gevolg is dat meer KS-opvoeders gedurende die dag by die jeugsorg-en-onderwyssentrums diens moet verrig as wat die geval by spesiale jeugsorg-en-onderwyssentrums is.
3.5 Ten einde opvoedkundige programme te implementeer, die versorging van die leerders te behartig, en die veiligheidsituasie te monitor, word vereis dat ten minste twee KS-opvoeders by spesiale jeugsorg-en-onderwyssentrums ter eniger tyd diens moet verrig. By jeugsorg-en-onderwyssentrums kan een KS-opvoeder diens verrig na gelang van die aantal leerders teenwoordig en die aard van die program wat geďmplementeer word.
3.6 Seuns en dogters moet afsonderlik hanteer word en gevolglik moet die aantal diensdoenende personeel volgens hierdie behoefte bepaal word.
3.7 Leerders by jeugsorg-en-onderwyssentrums moet vanaf 07:00 tot 22:00 konstruktief by opvoedkundige programme ingeskakel word, dus vir 15 ure per dag. 'n KS-opvoeder moet vir ten minste 71/2 uur per dag by die leerders betrokkke wees. Dit vereis dat die dienstydperk in twee skofte van 71/2 uur gedeel moet word. Die eerste skof is van 07:00 tot 14:30 en die tweede van 14:30 tot 22:00.
3.8 Tydens die skoolsluitingsperiodes in Junie/Julie en Desember/Januarie moet oorweeg word om leerders wat vir die skoolsluitingsperiode moet inbly, almal in een sentrum te akkommodeer, indien enigsins prakties uitvoerbaar, ten einde uitgawes te bekamp. Sentrumhoofde moet dit onderling met mekaar reël en om goedkeuring daarvoor by die Direkteur: Gespesialiseerde Onderwysondersteuning aansoek doen.
3.9 Die aantal leerders wat by die jeugsorg-en-onderwyssentrum inbly, die aantal seuns en dogters en beskikbaarheid van sekuriteitspersoneel, sal die aantal KS-opvoeders wat dienste moet verrig, bepaal. In Tabelle 1 en 2 hieronder word die maksimum aantal KS-opvoeders wat dienste moet verrig, aangedui:

Tabel 1. Getal diensdoenende personeel volgens getal leerders.

LeerdersHoof-aan-diensSlegs seuns in sentrumSeuns en meisies in sentrum
0 - 10112
11 - 40124
41 - 55136
56 - 70148
71 - 8015 
81 - 9016 
91 - 10017 
101 - 12018 


3.10 In Tabel 2 word die voorgestelde getal diensdoenende personeel per sentrum weergegee.

Tabel 2. Getal diensdoenende personeel per sentrum

SentrumHoof-
aan-diens
0-1011-4041-5051-7071-8081-9091-100101-120
Eureka112345678
Totaal112345678
De Novo112345678
Totaal112345678
Ottery112345678
Totaal112345678
Bult Boys11234    
Bult Girls 1234    
Totaal - Die Bult12468    
Wellington Boys11234    
Wellington Girls 1234    
Totaal - Wellington12468    
Faure High Care122      
Faure Boys 1234    
Faure Girls 1134    
Totaal - Faure14568    


3.11 Indien meer personeel benodig word om 'n bepaalde opvoedkundige program te implementeer, moet 'n volledige motivering vooraf deur die sentrumhoof via die onderwysdistrikskantoor en die Direkteur: Gespesialiseerde Onderwysondersteuning aan die Hoofdirekteur: Inrigtings-, Gespesialiseerde en Operasionele Ondersteuning vir oorweging voorgelę word.
3.12 Aansoeke om toesigdienste te verrig, moet reeds ses weke voor die nasionale vakansiedag aan die Direkteur: Gespesialiseerde Onderwysondersteuning voorsien word. 'n Lys van die keerdatums vir die indien van die aansoeke sal jaarliks aan die sentrums voorsien word.
3.13 Neem asseblief kennis dat die hoof-aan-diens vier en twintig uur per dag aan diens is en nie skofte werk nie.
3.14 Volgens voorskrifte kan KS-opvoeders slegs addisioneel vergoed word vir dienste wat op nasionale vakansiedae verrig word. (Sien Regulasie 38 (2)(b) van die Wet op Indiensneming van Opvoeders, 1998 (Wet 76 van 1998).)
4. Prinsipale moet hierdie skrywe onder die aandag van die personeel en die sentrum se beheerliggaam bring.


GETEKEN: MJ THERON
HOOF: ONDERWYS
DATUM: 2008:07:07