| 1. |
Omsendbrief 51/2007 van 20 September 2007 het nie-artikel 21-skole in kennis gestel om hulle rekwisisievorms vir LOOM (WCED 034) en plaaslike aankope (WCED 026) teen 26 April 2008 in te dien.
|
| 2. |
Alle belangrike bestellings vir LOOM en plaaslike aankope is teen 31 Julie 2008 by die verskaffers geplaas en word tans by skole afgelewer.
|
| 3. |
Artikel 21-skole is in kennis gestel om die eerste 60% van hulle Norme-en-standaardetoekenning van April 2008 te gebruik om hulle leer- en onderrigondersteuningsmateriaal aan te koop sodat dit voor die einde van September 2008 beskikbaar kon wees.
|
| 4. |
Die Wes-Kaap Onderwysdepartement (WKOD) moet gereeld verslae aan die nasionale Departement van Onderwys indien oor die gebruik van die totale Norme-en-standaardetoekenning vir LOOM. Dit is dus noodsaaklik dat skole die bedrae wat vir LOOM begroot is teen nie later nie as 31 Oktober 2008 bestee.
|
| 5. |
Nie-artikel 21-skole kan hulle huidige saldo's vir LOOM en plaaslike aankope vasstel by die Kuilsrivier se bestelkantoor. Omdat dit 'n geruime tyd duur om rekwisisies in bestellings te omskep, moet rekwisisies (WCED 034 en 026) teen nie later nie as 30 September 2008 by die Kuilsrivier-bestelkantoor ingedien word ten einde te verseker dat LOOM en skryfbehoeftes teen die eerste skooldag van 2009 by skole afgelewer word.
|
| 6. |
Die nasionale Departement van Onderwys (DvO) definieer LOOM as enige materiaal wat onderrig en leer fasiliteer en ondersteun. Skole word derhalwe aangemoedig om hulle LOOM-toekenning vir die aankoop van handboeke, werkboeke, kaarte, voorgeskrewe werke, woordeboeke, atlasse, biblioteek- en naslaanmateriaal, voorafopgeneemde CD's, DVD's, rekenaarsagteware en onderwyserhulpbronmateriaal te gebruik.
|
| 7. |
U samewerking in hierdie verband sal hoog op prys gestel word.
|
GETEKEN: LN SOPOTELA
HOOF: ONDERWYS
DATUM: 2008:09:12
|