1. In 2003 is die WKOD se beleid: Bestuur van Leerderswangerskap in Openbare Skole, onder dekking van Omsendbrief 121/2003 aan skole verskaf. Gedurende 2007 is die bogenoemde nasionale maatreëls na skole in die Wes-Kaap gestuur.
2. Dit het onder die aandag van die WKOD gekom dat skole die nasionale maatreëls toepas in plaas van die WKOD-beleid wanneer hulle oor leerderswangerskappe besluit. Prinsipale en beheerliggame moet kennis neem van die wettigheid van die twee dokumente.
3. Die WKOD-beleid is gebaseer op die Grondwet van die RSA en die SA Skolewet wat bepaal dat alle leerders die reg tot onderwys het, sonder onregverdige diskriminasie. Die beleid is dus afdwingbaar.
4. Die Nasionale Maatreëls vir die Voorkoming en Bestuur van Leerder-swangerskappe is riglyne wat nie ingevolge enige wet uitgereik is nie, en ook nie in 'n Regeringskoerant gepubliseer is nie. Daarom is hierdie maatreëls nie afdwingbaar nie en om hulle toe te pas wanneer oor leerderswangerskap besluit word, kan wetlike implikasies vir skole en skoolbeheerliggame tot gevolge hê.
5. Die nasionale Departement van Onderwys [DvO], toe hul gevra is oor die wetlikheid van die maatreëls, het soos volg geantwoord:
"Die status van die Maatreëls is nie wetlik bindend nie, en in die hof sal dit nie alleen kan staan nie. Ons [DvO] het nodig gehad om skole te begelei in die afwesigheid van provinsiale beleid oor leerderswangerskappe en hoe om die SA Skolewet se 'geen- skorsing-klousile' te implementeer. Die provinsiale beleid van die Wes-Kaap oorheers die nasionale maatreëls."
6. Skole moet die voorskrifte in die WKOD-beleid volg en toepas soos uitgereik in Omsendbrief 121/2003 in alle gevalle waar oor leerderswangerskap besluit word by 'n skool. Skole moet nie die Nasionale Maatreëls toepas nie. Die maatreëls is slegs riglyne vir skole in provinsies waar die provinsie nie 'n beleid oor leerder- swangerskap het nie.
7. Bring asseblief die inhoud van hierdie minuut onder die aandag van alle belanghebbendes.
8. U samewerking word waardeer.


GETEKEN: MI MAAS-OLSEN
HOOF: ONDERWYS
DATUM: 2008:10:29