1. Die Wes-Kaap Onderwysdepartement (WKOD) wil as deel van sy Menslikekapitaal-ontwikkelingstrategie deelname versterk deur middel van beraadslaging oor skool- en onderwyssake.
2. Die aangehegte raamwerkdokument bevat die goedgekeurde proses vir die daarstelling en die funksionering van die prinsipaalforums.
3. Die forumraamwerk is van toepassing op alle openbare gewone en openbare spesiale skole in die Wes-Kaap.
4. Die kring- en distrikprinsipaalforums moet binne een maand na ontvangs van hierdie brief ingestel word. Die daargestelde kring- en distriksforums moet een keer in hierdie jaar vergader. Lede van die Provinsiale Prinsipaalforum moet op hierdie eerste vergadering van die Distriksforum verkies word.
5. Prinsipale moet seker maak dat hulle bereid sal wees om die verantwoordelikhede na te kom soos aangedui op bladsy 2, voordat hulle 'n nominasie vir 'n forum aanvaar.
6. Aangesien die tyd om te vergader in 2008 beperk is, sal Prinsipale wat verkies word tot 'n forum bly dien op daardie forum tot die volgende verkiesing in Januarie/Februarie 2010.
7. U kan met die IBB Adviseur (voorheen kringbestuurder) van u skool skakel vir meer inligting.


GETEKEN: RB SWARTZ
HOOF: ONDERWYS
DATUM: 2008:09:26

WKOD-Raamwerk vir die samestelling van Provinsiale Konsultatiewe Forums van prinsipale  (grootte: 65 KB)
Addendum A: Riglyne vir Operasionele Protokol - Prinsipaalforums  (grootte: 25 KB)