1. Witskrif 5 oor Vroeëkindontwikkeling (VKO) skryf voor dat 85% van alle graad R-leerders in 'n provinsie teen 2010 in 'n openbare skool geakkommodeer moet word.
2. Om hierdie doelwit te bereik en die getal graad R-leerders by 'n openbare skool te vergroot, beplan die Wes-Kaap Onderwysdepartement (WKOD) om skole te help aan 'n gr. R-klaskamer indien hulle nie klaskamerruimte beskikbaar het om graad R-leerders te akkommodeer nie.
3. Ingevolge die Norme en Standaarde [ N&S} vir gr. R, mag die WKOD slegs sodanige gr. R-klaskamers aan skole voorsien wat kwalifiseer volgens die gespesifiseerde N&S-kriteria. Hierdie kriteria is soos volg:
  • Die skool moet in kwintiel 1-3.* wees.
  • Die skool moet gr. 1 aanbied.
  • Die skoolbestuur en die SBL moet in staat wees om gr. R te akkommodeer en doeltreffend te bestuur.
  • Die skool moet 30 of meer nuwe gr R-leerders hê [aansoeke vir gr. R].
  • Die skool moet oor die fisiese ruimte beskik om 'n gr. R-klaskamer op te rig. (±150m²).
  • Die leerder-klaskamer-verhouding in graad 1-3 moet gemiddeld 25 leerders per klaskamer wees.

*LW: Die voorsiening van gr. R-klaskamers sal per distrik uitgerol word en sal begin met kwintiel 1-skole en aanbeweeg tot kwintiel 2-skole sodra al die kwintiel 1-skole 'n klaskamer ontvang het.
4. In die 2008/2009 finansiële jaar sal die WKOD die aansoeke van alle skole wat 'n gr. R-klaskamer aangevra het, oorweeg en aan skole wat kwalifiseer 'n gr. R-klaskamer voorsien vir leerders wat die stelsel betree. Let asseblief ook op DIM/0003/2008 aangaande die Voorsiening van gr. R-klaskamers aan openbare skole, wat nog van krag is.
5. Die Direktoraat: IBBB het 'n Projekbestuurder: Infrastruktuur, mnr CFH Coetzee, aangestel om alle aspekte te hanteer van die lewering van die gr R-klaskamers.
6. Die Direktoraat: IBBB het ook 'n oudit-assessor, mev M Conradie, aangestel om skole en distrikte te besoek om inligting te versamel vir die verifikasie van skole se benoembaarheid om 'n gr. R-klaskamer te verkry ingevolge die N&S se kriteria. Die oudit-assessor sal nie afsprake vir besoeke aan skole kan maak nie en skole word vriendelik versoek om hulle samewerking aan die oudit-assessor te gee.
7. Skole wat kwalifiseer vir 'n gr. R- klaskamer sal skriftelik gekontak word deur die Direktoraat: IBBB se subdirektoraat, VKO. Skole word versoek om nie direk met die onderwys-distrikskantoor of die Direktoraat: IBBB te skakel om navraag te doen oor die verkryging van 'n gr. R-klaskamer nie.
8. U samewerking met en hulp aan die oudit-assessor met die suksesvolle afhandeling van hierdie belangrike taak sal waardeer word.


GETEKEN: MI MAAS-OLSEN
HOOF: ONDERWYS
DATUM: 2008:08:22